اسلام آباد۔ 08 مئی (اے پی پی) وزیراعظم نا خصوصی کمکا راطلاعات ڈاکٹر فردوس عاشق اعوان پارینے کہ ملک آن دہشت گردی ءِ ماس کش کننگ کن پرعزم اُن، دشمن واک آک پاکستان ءِ نزوری نا گواچی کننگ خوارہ، سیکورٹی ادارہ غاک ملک ءِ امن نا وت اس جوڑ کننگ کن کوشست کننگ ءُ۔ داخیال آتا درشانی ءِ او چارشنبے نادے آ پی ٹی وی تون خصوصی گپ و تران کرسا کرے۔ اولاہور دھماکہ نا ترندی اٹ مذمت ءِ کرسا پارے کہ دہشت گرد آک بے گناہ الس نا برخلاف لغوری نا کارروائی کرینو۔ خصوصی کمکار پارے کہ دشمن واک آک پاکستان ءِ نزوری نا گواچی کننگ خوارہ، ننا عزم ءِ کہ دہشت گردی ءِ ماس آن چٹفوئی ءِ۔ اوپارے کہ سیکورٹی ادارہ غاک ملک ءِ امن نا وت اس جوڑ کننگ کن کوشست کننگ ءُ۔ ریاست دہشت گرد آتا مون آ وخت اس کہ تینے پدی کتو۔ ڈاکٹر فردوس عاشق اعوان پارے کہ ہندن ءُ پاکستان اس خوانہ ہراٹی دہشت گردی نا ہچ ءُ جاگہ اس مفک، اوپارے کہ کودک انسان تا جان آتون گوازی کننگ لغوری نا گام گیج اسے۔ دہشت گرد آک قوم انا حوصلہ ءِ پست کننگ کن کودک بندغ آتے شست کیرہ۔ فردوس عاشق اعوان پارے کہ دہشت گرد آک دُن ءُ کارروائی کرسا ریاست ءِ چیلنج کیرہ۔
