اسلام آباد۔ 08 مئی (اے پی پی) وزیراعظم نا خصوصی کمکار اطلاعات و نشریات ڈاکٹر فردوس عاشق اعوان لاہور اٹی داتا دربار اٹی مروک آ دھماکہ نا ترند انگا لوز آتے ٹی مذمت ءِ کرسا پارینے کہ مزار و ولی تا جاگہ غاتے شست کروک آک اسلام و پاکستان نا دشمن ءُ، دشمن پاکستان اٹی نزوری ودی کننگ نا سازش کننگ ءِ۔ چارشنبے نادے آ وزیراعظم نا خصوصی کمکار پارے کہ پاکستانی قوم، ننا دلیر سلہہ بند فوج،، رینجرز، پولیس، انٹیلی جنس و کانود نافذ کروک آ غٹ ادارہ غاک دہشت گردی نا چٹفنگ کن عظیم قربانی تسنو۔ اوپارے کہ دہشت گرد آتا برخلاف مچ آ قوم سیسہ پلائی مروک آ دیوال اس مسنو، اوفتا شکست ایتینہ۔ او شہید آتا درجہ غاتا بڑزی، خاہوت آتا صبر و جمیل و ٹھپی تا دمدستی جان جوڑی کن دعا کرے۔
