کوئٹہ۔ 08 مئی (اے پی پی) وزیراعلیٰ بلوچستان جام کمال خان داتا دربار لاہور بمب دھماکہ نا مذمت ءِ کرسا پارینے کہ روچہ نا مبارک انگامقدس تُو اٹی بے گناہ خلقت نا خون ءِ کروک آ انسان پاننگ نا لائق اف، اونہادی جانی نسخان آ است ہسونی نا درشانی ءِ کرسا پارے کہ انسانیت نا دشمن دہشت گرد آتا ہچ ءُ قوم و قبیلہ و مذہب اس اف، امن کن سیکورٹی فورس و شاری تا قربانیک گم مفسہ، وزیراعلیٰ بلوچستان شہید آتا خاہوت آتون ہڑزخواہی و ہمدردی نا درشانی ءِ کرے۔
