کراچی۔ 07 مئی (اے پی پی) وزیراعلیٰ سندھ سید مراد علی شاہ نا کماشی ٹی محکمہ خزانہ و محکمہ ڈٹ بندی و شونداری نا دیوان اس اڈتننگا۔ سے شنبے نادے آ جاری کروک اعلامیہ نا رداٹ دیوان اٹی چیئرپرسن ناہید شاہ، پرنسپل سیکرٹری ساجد جمال ابڑو، سیکرٹری خزانہ نجم شاہ، سیکرٹری ڈٹ بندی و شونداری شیرین ناریجو، محکمہ ڈٹ بندی و شونداری نا چیف اکنامسٹ فتح تنیو و ایلو تعلقدار آفیسر آک ساڑی ئسر۔ دیوان اٹی جاری اسکیم و بروک آ سال انا اسکیم تا ہم جاچ ءِ ہلنگا۔ وزیراعلیٰ سندھ سید مراد علی شاہ دیوان اٹی پارے کہ مالی مشکل آتا سوب شونداری کاریم بھاز زہمی مسنے، زیات آن زیات شونداری کاریم تے پورو کننگ کن پوسکن آ سال انا شونداری بجٹ نا ڈٹ بندی ءِ گچین وڑاٹ بایدے کننگے۔ اوپارے کہ مالی مشکل آتا سوب آن پوسکن آ اسکیم تے کم بنا کروئی مریک، جاری اسکیم تیا پورو اولیت مریک۔
