اسلام آباد۔6مئی (اے پی پی) مزن وزیر عمران خان ءَ اُلس ءَ را جوانیں حکومت کنگء ُ پیش دارگءَ اولی فرض لیک اِتگ ء ُ گشتگ کہ پنجاپءَ جہلی تبک ءَ را وت واجہ،آسراتی ءَ ہم کچءَ بھرء ُ بانگ ء ُ ہمک دمگءَ دیمروئیءِ موہ دیئگ نوکیں بلدیاتی نظام یک آشوبی گامگیج اِت۔ اے حیالانی درشانی آئیءَ دوشمبے ءِ روچءَ پنجاپءِ سروزیر سردار عثمان بزدار ء ُ خیبرپختونخوا ءِ سروزیر محمود خانءِ ہمرائیء َ مزن وزیر کارگسءَ پریس کانفرنس ءَ گوں تران کنانءَ کتگ۔ اے موہ ءَ بلدیاتءِ وزیر راجہ بشارت، خیبرپختونخوا ءِ بلدیاتءِ وزیر شہرام خان ترکئی، مزن وزیر حاسیں کمک کار ڈاکٹر عاشق اعوان، کابینہ ءِ باسک ہم ساڑی بوتگ اَنت۔ مزن وزیر عمران خانءَ گشتگ کہ نظام ءِ ردءَ مزنیں شہر وتی ٹکس ءَ وت مُچ کناں، کراچی ءَ سالءَ تنا 2ملین ڈالر مُچ کنت وہدے کہ لاہور سالانہ 32ملین ڈالر ٹیکس دزگپت، بندش جنگءَ ابید ہم تہران ءَ سالانہ 500ملین ڈالر ءِ ٹیکس دزگرگ بیت، ممبئی سالانہ یک ار ب ڈالر ءِ ٹیکس مُچ کنگ وہدے کہ بنگلور ءَ اے زر 200ملین ڈالرءِ نزیک اِنت۔ مزن وزیر ءَ گشتگ کہ پاکستانی انسانی ء ُ قدرتی آسراتی ءَ چہ پُرء ُسیر اِنت۔ 6ماہ ءَ پیسر فورلیند کمپنیءِ بن اِشت ایر کتگ، مروچی اُدا گاڑی جوڑ بوہگءَ اَنت، اے کمپنی 20ارب کلدارءِ ٹیکس دیئگءَ اِنت۔ ایشی ءَ چہ ہشت ہزار مردماں روزگار رسگءَ اِنت وہدے کہ 40ہزار مردم پائدگ چست کنگءَ اَنت ء ُ زوت اے کمپنی گاڑیانی انجن ءَ جوڑ کنت ء ُ 30ارب کلدارٹیکس دنت۔ آئیءَ گشتگ کہ دنیاءَ کرکٹ ء ِ لیبءَ را گیش کنگءَ دمگی تکءَ لیب بوہگءَ اَنت بلے پاکستانءَ ڈیپارٹمنٹل میچ بنت۔ پی ایس ایل ءِ لیباں کوئٹہ ءِ ٹیم ءَ کوئٹہ ءِ یک ہم لیبی یے ہوار کنگ نہ بوتگ۔ آئیءَ گشتگ کہ مے گورءَ بے کساس ازم است بلے نظام ءِ حرابیءِ سوبءَ اے ازم دنیاءِ دیما نیااَں۔
