اسلام آباد۔6مئی (اے پی پی) مزن وزیر ءِ حالء ُ احیوال کاری ء ُ شنگکاری ءِ حاسیں کمک کار ڈاکٹر فردوس عاشق اعوانءَ گشتگ کہ رمضان پیکج ءِ ردءَ دو ارب کلدارءِ سبسڈی ءِ ھاترءَ گرانٹ جاری کنگ بوتگ۔ سرجمیں ملک ءَ چارہزار 300ءَ چہ یوٹیلٹی سٹورز کارپویشن ءِ آؤٹ لیٹس ءِ سرءَ آرت، شکر، روگن، ٹیل، ڈال، کابولی، ماشءِ ڈل، اسپیتیں کابولی، ناہ، ماسمتی دھان، سیلا دھان، چورادھان، شیر، سکواش، چاہ پتی ء ُ مصالحہ ءَ ہوار 19المی سامان چہ مارکیٹءِ ریٹءَ چہ کم نیادءَ اُلسءَ را دست کپاں، عہدگ دارانی لُٹء ُ پُلءَ چہ اے درشان بیت کہ مسلم لیگ(ن) ءَ را یک سیاسی گلّے نہ بلکیں یک پرائیویٹ لمیٹیڈ کمپنی ءِ ارزشتءَ دیما برگ بوہگءَ اِنت،واجہانی بچاں راجءَ را گشتگ کہ آ پارٹی ء َ را وتی مالء ُ مڈی لیک اَنت، اے جمہوریتءِ گوما مسکرہ اِت، مریم نوارءَ را پارٹی ءِ عہدگ دیئگءَ مسلم لیگ(ن) ءَ الیکشن کمیشن ءِ کانودءِ حلاپءَ شتگ اَنت، ملک ءِ انوگیں جیڑہءُ جنجالانی زمہ وار گوستءِ حکمران اَنت۔ اے حیالانی درشانی آئیءَ دوشمبے ءِ روچءَ یوٹیلٹی سٹورزکارپوریشن آف پاکستانءِ منیجنگ ڈائریکٹر عمر لودھی ءِ ہمراہ یکجائی پریس کانفرنسءَ گوں تران کنانءَ کتگ۔ آئیءَ گشتگ کہ مزن وزیر عمران خان ء ُ آئیءِ ٹیم ایمانداریء ُ جزم ءِ گوما کارکنگءَ اَں انشاء اللہ جوانیں نتیجگ دیما کایاں۔ اے موہءَ یوٹیلٹی سٹورز کارپوریشن ءِ منیجنگ ڈائریکٹر ءَ گشتگ کہ گوستگیں سال رمضان پیکج ءَ 1.6 ارب کلدار ءَ چہ تنا 75کروڑ حرچ بوتگ اَنت، اے سالءَ کوشست کناں کہ رمضان پیکج ءِ ردءَ درائیں گر انٹءَ اُلسءَ سربہ کن اَنت۔ آئیءَ گشتگ کہ اے ہوالگءَ کنٹرول روم ہم جوڑ کنگ بوتگ اَنت ء ُ اے بابتءَ کجام ہم جیڑہ بوہگءَ اُلس0800-05590 ء ُ 111-123-570 ءَ گوں نزیکی کُت کناں۔
