اسلام آباد۔ 6 مئی (اے پی پی) ملک ءِ تہ توانائی ءِ لوٹ ءَ را پیلو کنگ ءِ ھاترا ملکی راج دپترءَ اولی رند ءَ آوکیں 25سالانی ھاترا ڈیمانڈ ءُُ سپلائی ءِ پلان جوڈ کتگ، قابل تجدید ذرائع چہ توان ءِ پیداوار ءِ نوکیں پالیسی جوڈ دیگ بوتگ،اے پالیسی ءِ مکسد 2025ءِ تاں مچ پیداوار ءِ 20درسد قابل تجدید وسیلگ چہ توان زورگ وھدیکہ 2030ءِ تاں اے کساس 30درسد ءَ تاں برگی انت۔اے گپ مزن وزیر عمران خان ءِ چیر دستی توانائی ءِ تک ءِ تہ کتگیں گہترکاری ءُُ تنیگہ تاں بوتگیں دیمروئی سرا مزن تکے دیوان ءِ تہ داتگیں بریفنگ ءِ تہ گوشتگ ات۔دیوان ءِ تہ توانائی ءِ وزیر عمرایوب خان،ھزانگ ءِ سلاہ کار ڈاکٹر عبدالحفیظ شیخ،ھاسیں کمکار برائے پیٹرولیم ندیم بابر،ھاسین کمکار برائے ھالرسانی ءُُ شنگکاری ڈاکٹر فردوس عاشق اعوان،ربالکار ندیم افضل چن،ھاسیں کمکاریوسف بیگ مرزا،سیکرٹری پاور عرفان علیءُُ دگہ افسرساڑی ات۔مزن وزیر ءَ را توانائی ءِ تک ءِ تہ کتگیں گہترکاری،توان ءِ دُزی ءِ گرودار،سپلائی ءُُ بھربانگءِ کار ءِ تہ اڑاند ءَ را دور دیگ،سرکیولر ڈیٹ ءِ جیڈھ ءِ سرا گرودار ءُُ دگہ ہمگرنچیں معاملہانی سرا سرجمیں بریفنگ دیگ بوتگ۔مزن وزیر ءَ گوشت کہ مالی سال 2017-18ء ِ تہ ایوکا یک سالے تہ سرکیولر ڈیٹ آنی تہ 450 ارب کلدار ءِ ودکی بوتگ۔ اکتوبر2018ءِ تہ استیں حکومت ءِ نیمگا چہ دُزی ءِ گرودار ءُُ بل آنی گرگ ءِ ھاترا جنز بناء کنگ بوتگ ایشی ءِ شریں آسر دیما آھگ بندات بوھگ انت۔دسمبر 2018ءَ چہ مارچ 2019ءِ تاں توان ءِ دُزی ءِ گرودار ءُُ واجب الادا کلدارانی گرگ ءِ مد ءِ تہ ایوکا 4ماہ ءِ تہ48ارب ءِ ودکی زر گرگ بوتگ انت ہمہ کہ گوزوکیں سال ءِ آخر ءِ تاں 80ارب ءَ تاں سر بنت۔بُرزی وصولی آوکیں سال 110ارب ءِ تاں سر بنت وھدیکہ جون2020ءِ تاں 190ارب کلدار مچ کنگ ءِ امکان انت۔
