اسلام آباد۔ 6 مئی (اے پی پی) پاکستان ءِ تہ تعینات چین ءِ ڈپٹی چیف آف مشن چاؤ لی جیانءَ گوشت کہ پاکستان ءُُ چین ءِ میان ءَ آزاتیں بیئپارءِ معاہدہ بوتگ ایشی ءِ ردا چین پاکستان ءَ را 90درسد مارکیٹ شیئرز ابید کلدارءِ دنت۔اے ھیالانی درشان آہاں زلمی فاونڈیشن ءِ چیردستی بی آرآئی کانفرنس ءَ گوں گشتانک کنان ءَ کتگ ات۔آہاں گوشت کہ سی پیک ءِ دیمی بھر ءِ تہ چین پاکستان ءِ تہ صنعتی زون ءِ ھوار سوشل اکنامک ءِ سرا ھاسیں دلگوشی دات،آہاں گوشت کہ چین پاکستان ءِ برآمدات ءِ تہ ودکی ءِ ھاترا وتی مارکیٹ ءَ پچ کنگ انت۔آہاں گوشت کہ پاکستان اے ملکانی تہ ھوار انت ایشی ءِ گوما چین ءَ درستاں چہ پیش ءَ فری ٹریڈ معاہدہ کتگ۔آہاں گوشت کہ پاکستانی زرکاران فری ٹریڈ معاہدہ چہ نپ ءُُ پائدگ چست کنگ لوٹ ایت۔
