اسلام آباد۔ 6 مئی (اے پی پی) وزیر ءِ مملکت برائے موسمی مٹ ءُُ بدلی زرتاج گل ءَ گوشت کہ اپوزیشن بلین ٹری سونامی ءِ سر ءَ سیاست مہ کنت اے نوکیں باھند ءُُ ملک ءِ پھریزگ ءِ منصوبگ انت۔ کلین اینڈ گرین پاکستان ءِ گامگیج ءَ را عبادت ءِ رنگ ءَ پیلو کنگ ءَ آں، آیوکیں وھد ءَ مارگلہ ءِ جنگل آنی تہ ءَ آس نہ لگ ایت اے بابت ءَ ٹاسک فورس ءِ جوڑ کنگ ءِ سر ءَ کار برجا انت۔ اے ھیالانی درشانی آئی ءَ دو شمبے ءِ روچ ءَ پریس فانفرنس ءَ گوں گشتانک دیان ءَ کت۔ آئی ءَ گوشت کہ من اپوزیشن ءَ گوں دزبندی کناں کہ آ بلین سونامی ٹی منصوبگ ءِ سر ءَ سیاست مہ کن اَنت۔ چیا کہ ایشی ءَ چہ پاکستان تحریک انصاف ءُُ مز ن وزیر عمران خان ءَ را سیت نہ رس ایت اے نوکیں باھند آنی آیوکیں باندات ءَ را رکھینگ ءِ جیڈھ انت۔ آئی ءَ گوشت کہ 10بلین ٹری سونامی منصوبگ ءِ سر ءَ شپ ءُُ روچ کار بوھگ ءَ انت ءُُ ایشی ءِ پی سی ون گڈی بھر آنی تہ ءَ انت ءُُ اے مول ءُُ مراد آنی سر ءَ میاں اوستمانی ڈونر مئے گوما ھمگامی ءَ کار کنگ ءَ انت۔ آئی ءَ گوشت کہ مارگلہ ءِ جنگل آنی درچک ھمک سال آچ ءِ آماچ بنت ایشاناں آس لگ ایت ایشی ءِ سبب ءَ ٹوھیں تاوان ءِ رس ایت، نوں وزارت ءَ جتا جتائیں ادارگ آنی گوما ھوار یک ٹاسک فورس ءِ جوڑ کنگ ءِ کار بندات کتگ، امیت انت کہ جنگل آناں آس نہ لگ ایت۔
