اسلام آباد۔ 6 مئی (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ تحریک انصاف ءِ حکومت ءِ گہبودی ءِ واستہ گامگیج زورگ ءَ چہ لس مردم آناں نپ رسیت۔ اے گپ آئی ءَ سر وزیر پنجاپ سردار عثمان بزدار ءَ گوں ادا گند ءُُ نند ءِ ساھت ءَ کت۔ گند ءُُ نند ءِ ساھت ءَ دو نیمگی واھگی کار، سیاسی جاور ھال ءُُ ملکی کار آنی سر ءَ ھیال ریچی کنگ بوت۔ گند ءُُ نند ءَ بنجاھ ءُُ صوبگ آنی جتا جتائیں شوبگ آنی نیام ءَ رابطہ آناں گیش کنگ ءِ سر ءَ ھیال ریچی کنگ بوت۔ ڈاکٹر فردوس عاشق اعوان ءَ گوشت کہ سر وزیر پنجاپ سردار عثمان بزدار ءَ صوبگ ءِ الس آنی ازمت ءِ واستہ بے دروریں گامگیج کتگ اَنت۔ اے موہ ء ِ سر ءَ تران کنان ءَ گوشت کہ سر وزیر پنجاپ سردار عثمان بزدار ءَ گوشت کہ تحریک ءِ انصاف ءِ حکومت ءَ ساپ ءُُ سلہ کلچر ءَ را دیمروئی داتگ، ھمک پڑ ءَ راست گوئی ءَ را تالان کنگ ءَ چہ آسراتی آناں رکھینگ بوتگ۔ سردار عثمان بزدار ءَ گوشت کہ استیں حکومت ءِ توامیں پالیشی راست ءُُ ملکی سیت ایگ اَنت۔ آئی ءَ گوشت کہ الس ءِ ازمت منی مشن اَنت ءُُ السی ازمت کنگ ءِ سفر ءَ پینگ اوپارک کنگ نہ بیت۔
