اسلام آباد۔ 05مئی (اے پی پی) وزیراعظم عمران خان تون اوغانستان نا صدر اشرف غنی ٹیل فون آ گپ و تران کرے، ہڑتوم آ راہشون تا نیام اٹ اوغانستان و ڈیہہ ٹی امن، سلامتی و شونہالی آن تعلقدار معاملہ غاتیا گپ و تران کننگا۔ وزیراعظم آفس آن جاری پریس ریلیز نا رداٹ عمران خان پارے کہ اوغانستان نا بارواٹ پاکستان نا سوچ انا اندازہ اونا ایلمی نا جوزہ ءِ ہرسا خلنگ مریک، مریس اوغان تنازع اوغانستان ءِ ہراڑے بھس کرے ہموڑے اونا گدرینگوک آ کیہی دہائی تیان پاکستان آہم اثرآتے خننگ مریک۔ ہڑتوم آ ملک آتا الس نا فائدہ غاتے ٹی سرکڑدہ ہی نا مسخت امن، اقتصادی شونداری ءِ مون آ دننگ و علاقائی شونہالی کن رابطہ غاتے ودفنگ اٹ بایدے کمک مرے۔ وزیراعظم اوغانستان ناویل انا پرامن ایسری ءِ پٹنگ کن تینا وژن نا اعادہ ءِ کرسا پارے کہ اوغانستان نا ویل انا ایسری پورو وڑاٹ اوغان تا تینا و اوفتا تینا سرکڑدہ ہی ٹی بایدے مرے۔ وزیراعظم پارے کہ پاکستان اوغانستان اٹی امن نا قیام نا اسیجا مسخت آتے مون آ ودفنگ کن ہرممکنہ کوشست آتے برجاتخک و ہڑتوم آ برادر ملک آتا نیام اٹ ثمر آور تین پہ تینی تعلقداری تے کن کوشست کرسا کیک۔ داوخت آ پاکستان و اوغانستان نا جغرافیائی وقوع نا ادراک ءِ کرسا علاقائی رابطہ غاتے ودفنگ و راجی اقتصادی شونداری،نیزگاری نا چٹفنگ ہڑتوم آ ملک آتا الس نافلاح کن پاکستان و اوغانستان نا حقی اقتصادی لائخی نا ادراک ءِ کننگ آ ہڑتوم آ راہشونک امنا کریر۔ وزیراعظم عمران خان اوغان صدر اشرف غنی ءِ دورہ پاکستان نا سلہ خلک تانکہ تین پہ تینی است خواہی نا معاملہ غاتیا جامعہ گپ و تران کننگ مرے۔دورہ نا تاریخ آتا فیصلہ تین پہ تینی سلابت اٹ مریک۔
