اسلام آباد۔ 05مئی (اے پی پی) خصوصی کمکار وزیراعظم اطلاعات و نشریات ڈاکٹر فردوس عاشق اعوان پارینے کہ ڈاکٹر رضا باقر پاکستان نا مارءِ، ملکی معیشت ءِ تینا نت تیا سلفنگ کن عمران خان نا ہم کوپہ معاشی محاذ آ بس سرمس، اودے بخیر اٹ پانہ۔ یک شنبے نادے آ داڑے جاری بیان اٹی اوپارے کہ بڑزکو درملکی تعلیمی ادارہ غاتیان فارغ مروک آ ڈاکٹر رضاباقر پاکستان نا گمرنا قابل سپوت ءِ۔ رضا باقر پاکستان نا مار ءِ۔ ملکی معیشت ءِ تینا نت تیا سلفنگ کن عمران خان نا ہم کوپہ معاشی محاذ آ بس سرمس، اودے بخیر اٹ پانہ۔ اوپارے کہ رضا باقر آئی ایم ایف آن استیفہ ترسا پاکستان نا خذمت کن بسنے، اپوزیشن خواہک دنیا نا بڑزکو ادارہ غاتے ٹی خذمت سرانجام تروک آ ذہین پاکستانی تیا پاکستان تینا درگہ ءِ بند کے، اوپارے کہ عمران خان نا پوسکن آ پاکستان اٹی لائخی نا قدر ءِ کننگک، داسہ ہمو دور ہنا ہراتم ایلم وزیراعلیٰ، ایلم نا مار مختار، مسڑ نائب وزیراعظم، سانگ بندوزیر خزانہ مسکہ، ڈاکٹر فردوس عاشق اعوان پارے کہ مسہ دہائی تیان قوم ءِ ویل آتا دلدل اٹی بٹوک آ مسکوہی گورنر اسٹیٹ بینک انا ہِننگ آن انت اکن افسردہ ءُ؟
