اسلام آباد۔ 05مئی (اے پی پی) وزیراعظم عمران خان جہلم نا تحصیل سوہاوہ ٹی القادر یونیورسٹی نا بنداو ءِ اینوتخک۔ پاکستان ٹیلی ویژن نا رداٹ القادر یونیورسٹی ءِ جوڑ کننگ نا تصور وزیراعظم نا ہمو ویژن نا عکاس ءِ ہرانا رداٹ مچ آ ملک انا ورناتے کن بریبری نا بنداوآ تعلیمی وارخواہی ودی کننگ نا ءِ۔ یونیورسٹی کن سوہاوہ ءِ گچین داخاطران کننگاکہ راولپنڈی و گجرات نا نیام اٹ ہچ ءُ یونیورسٹی اس اف۔ یونیورسٹی نا جوڑ کننگ آن ورناتے علم انا دوئی کننگ نا گچین ءُ وارخواہی اس دوبریک۔ القادر یونیورسٹی سائنس، ٹیکنالوجی و ساڑی آ مذہبی علم اتون اوار اوار تصوف نا تعلیم ہم ایتک تانکہ ورناچین ءِ اسلامی علم آ پٹ و پول نا احیاء و آخبت نا چیلنج آتون مون تننگ کن تیار کننگ مرے۔ نجی بشخ اٹی جوڑ ایلو یونیورسٹی تیانبار القادر یونیورسٹی ہم قومی مسخت و تعلیمی بنداو ءِ مون آ دننگ اٹ اہم ءُ کڑد اس ادا کیک۔
