اسلام آباد۔ 05مئی (اے پی پی) پاکستان تحریک انصاف (پی ٹی آئی) نا راہشون میاں محمود الرشید پارینے کہ حکومت نا غٹ کوشست آک راج انا کم کٹیا کروک تپہ غاتا شونداری کن ءُ۔ ریڈیو پاکستان تون گپ و تران کرسا اوبے اُرا بندغ آتے چھت تننگ نا حکومت نا گام گیج آتے مثبت پیش رفت اس گوندا۔ اوپارے کہ ہنداوڑ نا اسکیم تیان خلقت ءِ روزگار نا المی وارخواہی ملک و نیزگاری ٹی کمتی اتنگک۔ اومستی پارے کہ مسکوہی حکومت آک الس نا راجی آسراتی آ وخت اس کہ چکار کتنو بلکن اوفک تینا جندی فائدہ غاتے اولیت تسر۔ میاں محمود الرشید پارے کہ وزیراعظم نا پوسکن آ پاکستان ہاؤسنگ پروجیکٹ اٹی اڑزان اُراتا تفنگ کن نجی بشخ انا شریداری نا است خواہ ءِ۔ اوپارے کہ ڈٹ اٹی زرکاری کن ایلو کیہی جہانی زرکار آک ہم رضامند ءُ۔ اوپارے کہ ڈٹ قومی معیشت نا شونداری ٹی کلیدی ءُ کڑد اس ادا کیک و داڑان روزگار نا لکھ آ پوسکن ءُ وارخواہی ودی مریک۔
