لاہور۔ 04مئی (اے پی پی) وزیراعظم عمران خان پارینے کہ وڈی خوری و شونداری نا سفر اوار چلینگ انگ کپسہ، وڈی خوری ءِ چٹفنگ حکومت نا اولیت ءِ۔ ہفتہ نا دے آ وزیراعظم تون ڈائریکٹر جنرل اینٹی کرپشن اعجاز حسین شاہ داڑے اوڑدہی کرے۔ اوڑدہی ٹی وزیراعلیٰ پنجاب سردار عثمان بزدار ہم ساڑی ئس۔ وزیراعظم عمران خان داوخت آ پارے کہ وڈی خوری ءِ چٹفنگ حکومت نا اولیت ءِ، کرپشن نا ناسور نئے بیرہ ملکی معیشت ءِ نسخان تسنے بلکن ادارہ غاتے بھس کرینے و لس بندغ نا زند ءِ زہمی کرینے۔ اوپارے کہ کرپشن و شونداری نا سفر اوار چلینگ انگ کپسہ، کرپشن نا چٹفنگ و وڈی خور عنصر آتا برخلاف بے پرخ کارروائی ءِ اسہ مشن اس سرپند کرسا پورو کننگے۔ حکومت دا رداٹ ہر وڑاٹ کمک فراوان کیک۔
