APP36-04 ISLAMABAD: May 04 - Adviser to the Prime Minister on Finance, Revenue and Economic Affairs, Dr. Abdul Hafeez Shaikh chairing meeting of Fiscal Coordination Committee. APP

اسلام آباد۔ 04مئی (اے پی پی) وزیراعظم نا سلاہکار خزانہ، ریونیو و اقتصادی امور ڈاکٹر عبدالحفیظ شیخ نا کماشی ٹی فسکل کوآرڈینیشن کمیٹی (ایف سی سی) نا دیوان اس داڑے ہفتہ نا دے آ اڈ ہلک۔ دیوان اٹی ایف سی سی نا ذیلی کمیٹی پبلک فنانس مینجمنٹ ریفارمز نا پرفارمنس فار ریزلٹ پروگرام نا رداٹ صوبہ غاتا گرانٹ سسٹم نا جاچ ءِ ہلنگا۔ کمیٹی ذیلی کمیٹی نا سلاہ آ صوبہ غاتے کن انسینٹیوگرانٹ نا منظوری ءِ تسنے تانکہ داٹی پین گچینی اتنگ مرے۔ دابابت صوبہ غاتا سلابت اٹ اگہ المی مرے تو وڑوڈول اٹی بدلی کننگ مریک۔ بنجائی حکومت صوبہ غاتے گرانٹ فراوان کیک ہرا انسینٹیو گرانٹ سسٹم نا رداٹ فراوان کننگک ہرا نا مسخت پبلک فنانس مینجمنٹ، راجی بشخ انا شونداری و خاص کر جان جوڑی و تعلیم نا بشخ آتا شوندار ی ءِ المی کننگ نا ءِ۔ دیوان اٹی جنوری آن جون 2018 ء کن این ایف سی ایوارڈ نا ہم جاچ ءِ ہلنگا و پارلیمان و صوبائی اسمبلی تے رپورٹ پیش کننگ نا ہم منظوری ءِ تننگا۔ دیوان اٹی وزیراعلیٰ سندھ، پنجاب، کے پی کے، بلوچستان نا وزیر خزانہ تون اوار، صوبہ غاتا وزارت خزانہ نا کمامدار و آزاد کشمیر نا کمامدارآک ہم ساڑی ئسر۔ یات سلے کہ ایف سی سی نا ءِ مشترکہ مفادات کونسل نا کمک اٹ ٹہیفنگانے تانکہ مالی معاملہ غاتیا بنجانا غٹ اکائی تیٹی رابطہ و تین پہ تینی کمکاری ءِ المی جوڑ کننگ مرے۔

متعلقہ مضامینمصنف کی طرف سے مزید