اسلام آباد۔ 3 مئی (اے پی پی) مزن وزیر عمران خان ءَ پنت ءُُ شون کت کہ پاکستان ٹیلی ویژن ءِ ادارگ ءَ را گہتر کنگ ءِ کار ءَ را زوت سرجم کنگ بہ بیت تانکہ ایشرا برجم ءُُ سرجمیں ادارگ ءِ جوڑ کنگ بہ بیت۔ آئی ءَ اے گپ آدینگ ءِ روچ ءَ پاکستان ٹیلی ویژن ءِ ادارگ ءَ را گہتر کنگ ءِ ھوالگ ءَ مز ن تک ءِ دیوان ءِ سروکی ءَ کنان ءَ کت ایشی ءَ تہ ءَ اھوالکاری ءُُ شنگ کاری ڈاکٹر فردوس عاشق اعوان، ھاسیں کمکار یوسف بیگ مرزا، جارچین مزن وزیر ندیم افضل چن، سینیٹر فیصل جاوید، سیکرٹری اھوالکاری ءُُ شنگ کاری شفقت جلیل، ادارکی ایم ڈی پی ٹی وی حسن عماد محمدی ءُُ کلانہ ایں اپسرگ آں بھر زوری کت۔ مزن وزیر ءَ را پی ٹی وی ءِ انتظامی ءُُ مالی کاری ءُُ ادارگ ءِ نوک سر جوان ءُُ گوناپ کنگ ءِ بابت ءَ سرجمیں بریفنگ دیگ بوت۔ مزن وزیر ءَ گوشت کہ پاکستان ءِ راجی پجار ءَ را سہرا کنگ ءَ پاکستان ٹیلی ویژن ءِ ارزشتی ایں کرد ات۔ آئی ءَ گوشت کہ استیں حکومت لوٹ ایت کہ پاکستان ٹیلی ویژن یک وت مستریں ادارگ ءِ جوڑ بہ بیت تانکہ اے راجی پجار ءِ سہرا کنگ ءُُ الس ءَ را بلدکار کنگ ءَ جوانیں کرد ءَ آزاتیں رنگ ءَ پیلو کت بہ کنت۔
