اسلام آباد۔ 3 مئی (اے پی پی) مزن وزیر عمران خان ءَ گوشت کہ حکومت سرمایہ کاراں را دلگوشی دیگ ءُُ آہانی آسراتی ءِ ھاترا بیئپار ءِ سرا دلگوشی دیگ انت،اے مول ءُُ مراد ءِ ھاترا بنداتی کار سرجم کنگ بوتگ۔آہاں اے گپ ملائیشیاءِ پیسریگیں وزیر ادریس جالا ءِ گوما گپ ءُُ تران کنان ءَ کتگ ات آہاں جمعہ ءَ مزن وزیر کارگس ءِ تہ گند ءُُ نند کتگ۔مزن وزیر ءِ سلاہ کار برائے ھزانگ ڈاکٹر عبدالحفیظ شیخ،بیئپار ءِ سلاکار عبدالرزاق داؤد ءُُ سلاکار برائے اسٹیبلشمنٹ محمد شہزاد ارباب، کنٹری ڈائریکٹر عالمی بینک پیچا متھو الینگوآن ءُُ ٹوھیں واکدار ھم ساڑی اتنت۔ ادریس جالا ءَ ریونیو، برآمدات،سرمایہ کاری، ہاؤسنگ، ڈیجیٹائزیشن ءُُ سیاحت ءِ ھوار حکومت ءِ دیمروئی ایجنڈہ ءِ ترجیحی شعبہ جات ءِ تہ گہترکاری ءُُ سوبمندآسرانی زورگ ءِ ھاترا صلاح پیش کتگ ات۔دراھیں تکانی تہ پبلک پرائیویٹ پاٹنر شپ ءِ دلبڈی کنگ بوھگ انت تنکہ حکومت ءِ سرا ھرچانی بار کم بیت۔پدر بہ بیت کہ ادریس جالا ءَ ملائیشین مزن وزیر ءِ محکمہ ءِ تہ وزیر ءِ پرفارمنس منیجمنٹ اینڈ ڈلیوری یونٹ ءِ چیف ایگزیکٹوآفیسر ءِ بستار ءَ گوں ہزمت سرانجام داتگ ات۔
