اسلام آباد۔ 3 مئی (اے پی پی) مزن وزیر عمران خان ءَ کڈنی دات کہ ماہ رمضان المبارک ءِ تہ وردنی چیزانی پھجارگ ءَ را سدکی جوڈ کنگ ءُُ اے گپ ءَ را ھم سدکی جوڈ کنگ بیت کہ وردنی چیزانی ایر کتگیں ریٹ ءِ سرا اُلس ءِ ھاترا ساڑی بنت، انتظامیہ ءِ افسراں فیلڈ ءِ تہ وتی ساڑی بوھگ ءَ را سدکی دارانت ءُُ منافع خوری ءُُ ذخیرہ اندوزی ءِ ھلاپ ءَ زوت ایکشن زورگ بیت۔ماہ رمضان ءِ تہ اُلس ءَ را وردنی چیزانی ایر کتگیں ریٹ آنی سرا پھجارگ،توان،گیسءُُ آپ ءِ دستیابی ءِ مانیٹرنگ ءِ ھاترا صوبائی حکومتانی تبک ءِ سرا کنٹرول روم جوڈ دنت تنکہ فیلڈ افسرانی نیمگا چہ ہمک روچ ءَ دیم داتگیں رپورٹ آنی چار ءُُ تپاس گرگ بیت ءُُ ماہ رمضان ءِ تہ انتظامی کنٹرول ءَ را گیش گہتر جوڈ کنگ بیت۔ مزن وزیر عمران خان ءَ اے کڈنی جمعہ ءَ مزن وزیر آفس ءِ تہ رمضان پیکیج 2019ءِ ھوالہ گوں برجمیں مزن تکی دیوان ءِ تہ داتگ ات۔دیوان ءِ تہ بیئپار سلہ کارعبدالزراق داؤد،ھزانگ مشیر ڈاکٹر عبدالحفیظ شیخ، سروزیر پنجاب سردار عثمان بزدار، سروزیر خیبرپختونخوا محمود خان، ھاسیں کمکار برائے ھالرسانی ڈاکٹر فردوس عاشق اعوان،ھاسیں کمکار یوسف بیگ مرزا، ربالکار ندیم افضل چن، صوبائی وزراء مخدوم ہاشم جوان بخت، میاں عاصم اقبال، تیمور سلیم جھگڑا، بنجاہی ءُُ صوبائی سیکرٹریز، چیف سیکرٹریز ءُُ دگہ مزن تکی افسرساڑی اتنت۔مزن وزیر ءَ گوشت کہ حکومت ءَ را مہلوک ءِ جیڈھانی سرجمیں سرپدی انت ءُُ حکومت ءِ ہرممکن کوشست انت کہ مہلوک ءَ را ریلیف پھجارگ بیت۔آہاں گوشت کہ ماہ رمضان ءِ تہ وردنی چیزانی سرکاری نہادانی سرا دستیابی سدکی دارگ ءِ ھاترا انتظامیہ،ضلعی مارکیٹ کمیٹیانی ایکٹو کرد،بنجاہی ءُُ صوبائی حکومتانی تہ رھوت ءُُ جاورھال ءِ یکشل ءَ مانیٹرنگ باز ارزشت ءِ حامل انت۔مزن وزیر ءَ کڈنی دات کہ منافع خوری ءُُ ذخیرہ اندوزی ءِ شکاست کجام دروشم ءَ سگگ مہ بیت ءُُ انتظامیہ اے رنگیں مردمانی ھلاپ زوت ایکشن ءَ را سدکی دارایت۔ مزن وزیر عمران خان ءَ گوشت کہ ماہ رمضان ءِ ھاترا ہمگرنچیں وزارتاں را کڈنی دیگ بوتگ کہ سحرءُُ دپبوج ءِ وھد ءَ توان ءُُ گیس ءُُ آپ ءِ دستیابی سدکی جوڈ کنگ بیت۔ایشی ءِ گوما امن ءُُ ایمنی ءِ جاورھال ءِ سرا سرجمیں چم ایر کنگ بیت۔ صوبائی وزرائئُُ ہمگرنچیں سیکرٹری صاحبان ءَ مزن وزیر ءَ را ماہ رمضان ءِ تہ وردنی چیزانی پھجارگ،سرکاری ریٹ آنی تہ دستیابی،منافع خوریءُُ ذخیرہ اندوزی ءِ دلپروشی ءِ ھوالہ ءَ صوبائی تبک ءَ کتگیں گامگیج ءَ چہ سرپد کتگ۔چیف سیکرٹری پنجاب ءَ مزن وزیر ءَ را سرپد کتگ کہ گوزوکیں سال ءَ پنجاب ءِ تہ سئے سد ءَ چہ گیش رمضان بازار جوڈ دیگ بنت ایشانی تہ وردنی چیزانی 10المی چیزانی سرا سبسڈی پھجارگ بیت وھدیکہ 12 چیزہول سیل ریٹ ءِ سرا پھجارگ سدکی جوڈ دیگ بیت۔ مزن وزیر ءَ را سرپد کنگ بوتگ کہ رمضان بازارانی تہ کنڈءِ سیر 55کلدار وھدیکہ آرت 290کلدار 10سیر ءِ تھیلا ءِ پھجارگ سدکی جوڈ کنگ بیت۔اے و ڈ ءَ روغن ءُُ دگہ وردنی چیزانی ارزاں نہاداں پھجارگ ءِ ھاترا ہرممکن گامگیج چست کنگ بنت۔چیف سیکرٹری خیبرپختونخوا ءَ ماہ رمضان ءِ تہ سرجمیں صوبگ ءِ تہ انتظامی تبک ءِ سرا چست کتگیں گامگیج ءَ چہ سرپد کتگ۔مزن وزیر ءَ کڈنی دات کہ رمضان بازارانی تہ پھجاراتگیں چیزانی معیار ءَ را سدکی جوڈ کنگ ءِ سرا ھاسیں دلگوشی دیگ بیت۔
