اسلام آباد۔ 25جنوری (اے پی پی) وزیر مملکت اطلاعات ، نشریات و قومی میرات مریم اورنگزیب پارینے کہ مریم نواز آ دروغ انا دوبہ خلنگ آن جوان ئِ کہ عمران خان بروک آ سال مروک آ لس گچین کاری تا تیاری ئِ کے۔ چارشنبے آ سپریم کورٹ نا پیشن میڈیا تون ہیت وگپ کرسا اوپارے کہ عمران خان پانامالیکس نا بابت و مریم نواز آ دروغ انا دوبہ بیٹ کننگ آن بیدس 2018ءنا گچین کاری تا تیاری ئِ کے انتئے کہ او دا گچین کاری تیٹی مریم نواز نا مقابلہ ئِ کروئی ئِ۔ اوپارے کہ اینو عدالت اٹی صفا وڑاٹ داپاننگاکہ ہرا دستاویز آتا بارواٹی بھلو بھلو انکشاف مننگ نا داوا کننگ انگ ئِ او عدالت تون مست آن ہی اریر۔ درحقیقت تحریک انصاف دا ڈرامہ ئِ کیک کہ دا دستاویز آتیان بھلو انکشاف اس مننگ والا ئِ ، اصل اٹی اونا مسخت پانامالیکس نا زی آ سیاست کننگ نا ئِ۔ اوتینا کیس اٹی دا داوا کریسس کہ مریم نواز وزیراعظم نا زیرکفالت ئِ و پراپرٹیز نا بینفیشل اونر ئِ۔ وزیراعظم نا وکیل عدالت اٹی ثابت کرینے کہ وزیراعظم محمد نواز شریف نا ہچ وڑنا پراپرٹی یا بزنس اسے تون ہچ ئُ تعلق اس اف۔ دا ثابت مس کہ او دروغ انا دوبہ داخاطران خلک کہ دا مریم نواز شریف آن خوفزدہ ئِ۔ اوعدالت اٹی ہمیشہ آنبار جعلی و نقلی دستاویز پیش کرے اونا جمع کرفوک آ دستاویز آتیٹی مریم نواز نا مسہ جتا دستخط ساڑی ئُ ، اودا ہم پہہ مفک کہ عدالت اٹی سیاست مننگ کپک۔ او ہرا دوبہ غاتے خلک و ہراشاہدی تے عدالت اٹی پیش کرے او دروغ ثابت مسنو۔ وزیر اطلاعات پارے کہ او اسہ وار ولدا عمران خان ئِ معلومدار کننگ خوائک کہ وزیراعظم ملتان اٹی میٹرو بس سروس نا بنائِ کرینے ، اسہ پین فیتہ اس کاٹنگانے ولے خیبر پختونخوا نا احتساب کمیشن ئِ داسکان تالاخلوک ئِ۔ عمران خان دانا ورندی ئِ ہم ایتے و دا تالائِ ملفے۔ نے تون دروغ تڑنگ کن داسہ چنکو وخت اس سلیسنے انتئے کہ 2018ءنا گچین کاری تیٹی نے الس نا عدالت اٹی پیش مروئی ئِ۔ جتا سوج آتا ورندی ئِ ترسا وزیر مملکت پارے کہ مریم نواز نا لندن فلیٹ تون تعلق غلط ثابت مس۔ عمران خان الیکشن کمیشن اٹی بشخنداری آ ہم یوٹرن ہلکونے۔ اوپارے کہ الیکشن کمیشن اٹی اونا وکیل نا کنڈآن معافی خواہنگا۔ او معافی خواہتنے ہراڑآ کمیشن اودے بٹنگانے۔ او اخس انکشاف کیک او عدالت اٹی جمع کرفوک ننا دستاویز آتا مست آن ہی بشخ ئُ۔ عمران خان دا دستاویز آتے خوانے و مچ آ انکشاف آتے اسہ وار ٹویٹ کے۔
