اسلام آباد۔3مئی (اے پی پی) صدر ڈاکٹر عارف علوی ءَ گشتگ کہ پاکستان ء ُ اسلا می دیمروئی بینک ءِ د یریگیں شریدار اِنت ء ُ پاکستان گوں اسلامی دیمروئی بینک ءَ گوں کار کنت۔ آئیءَ اے گپ اسلامی دیمروئی بینک ءِ صدر ڈاکٹر بندرایم ایچ حجاز ءَ گوں گپء ُتران جمعہ ءِ روچءَ گندء ُ نند کنانءَ کتگ۔ صدرءَ اے گپ ءِ سرءَ زور پِرداتگ کہ انوگیں حکومت ملک ءَ را اقتصادی جیڑہء ُ جنجالاں چہ درکنگءَ معاشی رھبند دیما آرگ ءَ اِنت۔ اے ہوالگءَ حکومت مالیاتی، محکمی، زری پالیسی ءِ سرءَ دلگوشی کنگءَ اِنت۔ ڈاکٹر عارف علوی ءَ گشتگ کہ آزاتیں زرکاری ءِ نظام ء ُ گیش بوتگیں اقتصادی موہ آں چہ زرکار پاکستانءَ زرکاری کنگ لوٹاں۔ صدرءَ پولیو ءِ ہلاس کنگءِ پروگرام ءِ ھاترءَ اسلامی بینک ءِ ہمراہ داری ءَ را ساڑاتگء ُ اے اوستءِ درشانی کتگ کہ انوگیں دونیمگی کمک بانداتءَ گیش محکم بیت۔
