اسلام آباد۔ 02مئی(اے پی پی) پبلک اکاؤنٹس کمیٹیءِ جہلی کمیٹی ءِ دیوان پنچ شمبے ءَ سینیٹر شبلی فراز ءِ سروکی ءَ برجم دارگ بوتگ۔ کمیٹی ءِ تہ وزارت داخلہءِ مالی سال2010-11ءِ آڈٹ اعتراض آنی چار ءُُ تپاس گرگ بوھگی ات بلے تہی کارانی کارگس ءِ نیمگا چہ سرپد کنگ بوتگ کہ سیکرٹری بجٹ ڈیمانڈ ءِ ھوالہ چہ یک ھاسیں دیوان ءِ تہ شتگ ات۔دیوان ءِ تہ سیکرٹری تہی کارگس ءِ عدم ساڑی ءِ سرا کمیٹی ءَ تکانسری ءِ درشان کتگ۔ روحیل اصغر ءَ گوشت کہ وزارت ءَ را کمیٹی دیوان ءِ نوٹس 23اپریل ءَ را رستگ۔وزارت ءِ کرءَ 8 روچ ات،اے 8روچانی تہ پیسلہ پرچہ کنگ مہ بوتگ،وھد ءَ سرپد پرچہ مہ کنگ بوتگ،مارءَ حال پرچہ مہ داتگ ات۔ کنوینر کمیٹیءَ گوشت کہ وزارت ءِ غیرزمہ داری نظر آھگ انت۔کمیٹی ءِ باسک منزہ حسن ءَ گوشت کہ اے آڈٹ رپورٹ انت،ایشی ءِ سرا سیکرٹری ءِ ابید گپ مہ بیت۔ھاسیں دیوان انت،راجی اسمبلی ءِ دیوان جوزگ انت منی بل اودا پیش بوھگی انت ءُُ من کمیٹی ءِ دیوان ءَ ساڑی اوں،سینیٹر شبلی فرازءَ گوشت کہ پی اے سی سیکرٹریٹ قواعدءِ ردا ایکشن ءَ زورایت۔ پی اے سی سیکریٹریٹ حکام ءَ گوشت کہ مزن وزیر ءِ پدریں پرمان انت کہ پی اے سی درستاں چہ مستریں فورم انت۔سینیٹر شبلی فراز ءَ گوشت کہ اے تب شرنیست انت۔
