اسلام آباد۔ 2 مئی (اے پی پی) دری معاملہانی بنجاہی وزیر شاہ محمود قریشی ءَ گوشت کہ پاک ایران سیمسر ءِ سرا امن ءُُ گہبودی مئے مفاد ءِ تہ انت،لہتیں تاگت پاک ایران سیادیانی گہتری ءِ ھق ءَ نیست انت‘مزن وزیر ءَ ایران ءِ تروتاب ءِ تہ پاکستان ءِ نیمگا چہ چست کتگیں گاماں چہ سرپد کتگ۔دوئیں ملکانی سیکیورٹی ادارگہانی گند ءُُ نند ءِ تہ لہتیں خدشات دور بوتگ ات،مہ ایران ءَ گوں سیمسر ءِ سرا فرنٹیئر رجمنٹ ءِ تہ ودکی ءُُ تربت ءِ تہ نوکیں ہیڈکوارٹر ءَ جوڈ دیگ اوں۔پنچ شمبے ءَ بنجاہی اسمبلی ءِ تہ ایاز صادق ءِ نیمگا چہ چست کتگیں پوائنٹ آنی پسو دیان ءَ دری کارانی وزیر ءَ گوشت کہ ایران مئے ہمساھگیں ملک انت ءُُ ایشی ءِ گوما 905کلومیٹر دراجیں سیمسر انت،مئے پائدگ ھم ایشی ءِ تہ انت کہ سیمسر ءِ سرا پُرامنیں ءُُ گہبودی بیت۔یک نیمگا پاک اوگان سیمسر ءُُ دومی نیمگا پاک بھارت سیمسر ءِ سرا بدامنی ءِ جاورھال انت۔ لائن آف کنٹرول ءِ سرا بھارت ءِ نیمگا چہ سیز فائر ءِ ھلاپ ورزی لس انت،اے جاورھال ءِ تہ مارا سیمی بارڈر ءِ سرا دست مانجنی نہ کنگ بیت۔آہاں گوشت کہ ایران ءِ دری معاملہانی وزیر ءِ گوما چار گند ءُُ نند بوتگ ات،مہ آہاں را وتی گامگیج ءَ چہ سرپد کتگ۔اے خطہ ءِ تہ ایران ءِ لہتیں دگہ مسلمان ملکاں گوں سیادی باز نازک انت بلے پاکستان ءِ دراھیں مسلمان ملکاں گوں سیادی شر انت۔اے چیز ءَ دیما ایرکنان ءَ مہ ایران ءَ گوں کمک کتگ،مہ اعتماد ساچی ءِ ھاترا گام چست کتگ انت۔مہ ایران ءَ گوں سیمسرءِ سرا فرنٹیئر رجمنٹ ءِ تہ ودکی کنگ اوں۔ وھدیکہ تربت ءِ تہ نوکیں ہیڈ کوارٹرءِ ھم جوڈ کنگ اوں،ایشی ءِ ابید مہ سیمسرءِ سرا باڑ جنئگ ءِ پیسلہ ھم کتگ۔
