پشاور۔ 2 مئی (اے پی پی) مزن وزیر عمران خان ءَ پنچ شمبے ءَ ضلع خیبر ءِ وادی تیراہ ءِ تروتاب کتگ،تروتاب ءِ تہ مزن وزیر ءَ تیراہ ءِ تہ جاڑی اسپورٹس گالا ”باغ امن میڑھ“ ءِ تہ ھاسیں مہمان ءِ بستار ءَ بھرزوراتگ۔مزن وزیر وھدیکہ میڑھ ءَ سر بوتگ ات تو شائقین ءَ آہانی پُ تپاکیں وش اتک کتگ۔اے درگت ءَ پاکستان زندگ بات ءُُ عمران خان زندگ بات،پی ٹی آئی زندگ باتءِ اوگام جنئگ بوتگ ات،راجی ساز ءَ گوں مزن وزیر ءَ گرمجوشی ءَ گوں دست دراج کنان ءَ اوگامانی پسو داتگ ات۔پدا فرنٹیئر کور ءِ یک چاق و چوبند دستہ ءَ آہاں را سلامی پیش کتگ وھدیکہ ورناہانی ربیدگی جھومرءَ گوں میڑھ ءِ مردمانی نیمگا چہ شو ھم پیش کنگ بوتگ۔مزن وزیر ءَ را سپورٹس گالا ءِ تہ بیوکیں لیئبانی مقابلہ ءَ چہ سرجمیں وڈ ءَ سرپد کتگ۔لیئبانی تہ شریں کارکردگی پیداروکیں ٹیمبانی لیئبی ءَ گوں مزن وزیر ءِ پجار ھم کنائینگ بوتگ۔مزن وزیر ءَ سپورٹس مقابلہ ءِ تہ شریں کارکردگی پیداروکیں ءُُ سپورٹس گالا ءِ بندءُُ بوج کارانی تہ داد ھم بہر ءُُ بانگ کتگ ات۔
