پشاور۔02 مئی (اے پی پی)مزن وزیر عمران خان ءَ پنچ شمبے ءَ کثیر المقاصد مہمند ڈیم ہائیڈرو پاور پراجیکٹ ءِ بُن ھشت ایر کتگ،800میگا واٹ ارزاں نھادیں توان ودی بوھگ ءَ گوں ھوار 1.2 ملین ایکڑ فیٹ آپ پج کنگ ءِ آسراتی ھم بیت، ایشی چہ چارسدہ‘ مہمند ءُُ خیبر پختونخواءِ دگہ نزیکیں دمگ انی مردم پائدگ چست کت کن انت‘اے منصوبگ سئے ارب ڈالر ءِ ھرچ ءَ گوں پنچ سال ءِ وھد ءَ سرجم بیت۔بُن ھشت ایر کنگ ءِ مراگش ءِ تہ گورنر خیبر پختونخوا شاہ فرمان سر وزیر محمودخان‘ بنجاہی وزیر دفاع پرویز خٹک‘ چیف آف آرمی سٹاف جنرل قمر جاوید باجوہ‘ سپریم کورٹ آف پاکستانءِ پیسریگیں چیف جسٹس میاں ثاقب نثار‘ بنجاہی وزیر برائے آبی وسائل فیصل واڈا‘ بنجاہی وزیر برائے مذہبی امور پیر نورالحق قادری‘سینیٹر فیصل جاوید‘ باسک قومی اسمبلی ساجد خان‘ پاکستان تحریک انصاف ءِ راھشوناں ءُُ واپڈا واکداراں بھر زوراتگ۔ چیئر مین واپڈا لیفٹیننٹ جنرل (ر)مزمل حسینءُُ ڈیم ءِ پراجیکٹ ڈائریکٹر ءَ مزن وزیر ءَ را ڈیم ءِ ھوالہ چہ بریفنگ داتگ۔
