مزن وزیر عمران خان ءِ ضلع خٰبر ءَ تیراہ کوچگ ءِ تر ءُُ تاب، سپورٹس گالا ءِ گڈی مراگش ءَ بھر زوری، عمران خان گوستگیں وھد ءُُ پاس ءَ ناشرکار آنی گڑھ بوھوکیں ھند ءِ تر ءُُ تاب کنوکیں اولی مزن وزیر جوڑ بوت

تیراہ خیبر۔ 2 مئی (اے پی پی) مزن وزیر عمران خان ءَ پنچ شمبے ءِ روچ ءَ ضلع خیبر ءِ دمگی تیرا کوچگ ءِ تر ءُُ تاب کت ءُُ تیرا ءَ جاڑیگیں سپورٹس گالا ءِ بنگیجی مراگش ءَ بھر زوری کت۔ ناشرکار آں یک زمانگے اے دمگ ءَ را نو گو ایرایا نامینتگ بوتگ۔ تیراہ یک سکیں گرانیں دمگ ات ایش یک زمانگے ناشرکار آنی گڑ بوتگ۔ عمران خان اولی مزن وزیر انت کہ آئی ءَ اے دمگ ءِ تر ءُُ تاب کتگ۔ ایشی ءَ چہ پیسر اچ کلانہ ایں سرکاری کارندہ ءُُ سیاسی رھشون ءَ اے دمگ ءِ تر ءُُ تاب نہ کتگ۔ دمگ ءَ مزن وزیر دءِ تر ءُُ تاب ءَ ابید سپورٹس گالا ءِ برجائی اے گپ ءِ درشان انت کہ دمگ ءَ ایمنی برجا بوتگ، پیسریگیں وھد ءُُ زمانگ ءَ اے دمگ ناشرکار ی یے آماچ بوتگ ایشرا سیکورٹی فورسز آں چہ ناشرکار آں پاک کتگ۔ مزن وزیر عمران خان گڈی مراگش ءِ ھاسیں مہمان اَت۔ خیبر پختونخوا ءِ گورنر شاہ فرمان، سروزیر محمود خان، دیمپانی ءِ وزیر پرویز خٹک، بنجاھی وزیر نیک راھی کار نور الحق قادری، اسمبلی ءِ باسک آں ابید ضلع خیبر ءِ ڈلگیں سروک اے موہ ءِ سر ءَ ساڑی اتنت۔ اے دمگ ءِ مردم ھم مزنیں کساس ءَ ساڑی اتنت۔ مزن وزیر ءِ جوانیں رنگ ءَ وش اتک کنگ بوت۔ مزن وزیر گام بجن ما تئی ھمبراہ آں۔ مزن وزیر ءَ سرجمیں ھپتگ ءَ جاڑی بوھوکیں سپورٹس باج برئی آنی تہ ءَ کامیات بوھوکیں ٹیمب ءُُ جوانیں کرد پیش داروکیں لیبئی آناں داد بھر ءُُ بانگ کت۔ ”باغ امن“ سپورٹس گالا ءِ بنگیج 25اپریل ءَ بوتگ ایشی ءِ تہ ءَ مزنیں کساس ءَ مردم آں بھر زوری کت، جتا جتائیں لیب آں ھوار ایف سی ءِ بینڈز اں وتی ازم ءِ درشان کت وھدیکہ سکولی زھگ آں راجی سوت الھان کت۔