اسلام آباد۔ 2 مئی (اے پی پی) سپیکر قومی اسمبلی اسد قیصر ءَ گوشت کہ پنجاپ ملک ءِ درستاں چہ مستریں صوبگ ات ءُُ ملک ءِ دیمروئی ءَ ایش ٹوھیں ارزشت ءِ دار ایت۔ السی جیڈھ آنی گیواری ءُُ لس مردم ءِ زندمان ءَ را گہتر کنگ ءِ واستہ پنجاپ حکومت ءِ کرد لائک ءِ توسیپی انت۔ جوانیں رنگ ءَ کانود ءِ جوڑ کنگ ءِ واستہ راجی اسمبلی ءُُ صوبائی اسمبلی ءِ نیام ءَ وت مہ وتی نزیک بوھگ المی انت۔ اے ھیالانی درشانی آئی ءَ سر وزیر پنجاپ سردار عثمان بزدار ءِ پارلیمنٹ گس ءَ گند ءُُ نند ءِ ساھت ءَ کت انت۔ گند ءُُ نند ءَ پنجاپ ءَ جاڑیگیں دیمروئی منصوبگ آں ھوار ملک ءِ ھواریں کٹوکیں ءُُ سیاسی جاور ھال ءُُ وت مہ وتی واھگی کار آنی سر ءَ ھیال ریچی کنگ بوت۔ سر وزیر پنجاپ عثمان بزدار ءَ ایوان ءِ کاروائی ءَ را جوانیں رنگ ءَ چلائینگ ءُُ بے دروریں درشانداب ءِ کارمردی ءِ پد ءَ سپیکر راجی اسمبلی اسد قیصر ءِ کرد ءَ را ساڑات۔ پنجاپ حکومت لس مردم ءِ زندمان ءَ را گہتر کنگ ءُُ السی جیڈھ آنی گیواری ءِ سر ءَ ھاسیں دلگوشی دیگ ءَ انت۔ اے موہ ءِ سر ءَ سر وزیر پنجاپ عثمان بزدار ءَ گوشت کہ گران بھائی ءِ گر ءُُ دار کنگ ءُُ الس ءَ را ریلیف دیگ ءِ واستہ گامگیج کنگ بوھگ ءَ انت۔ صوبگ ءِ پشت کپتگ ءُُ گریبیں مردم آنی دیمروئی پنجاپ ءِ استیں حکومت ءِ بندات کار آنی تہ ءَ ھوار انت۔ السی نماھندگ وتی دمگ ءِ جیڈھ آں چہ جوانیں سر پد باں دیمروئی کار آنی تہ ءَ آوانی سر سوج آنی ھوار کنگ المی انت۔
