سیالکوٹ۔ 01مئی (اے پی پی) نیزگاری نا لتاڑاٹ بروک آ غریب خواری کش زالبول آتیا مروک آ بیداد و اوفتا مروک آ معاشی استحصال ءِ چٹفنگ کن وزیراعظم عمران خان اینو اُرائی کہول آ و انڈسٹری ٹی کاریم کروک آ خواری کش زالبول آتا حق انا بالادستی ءِ عملی وڑاٹ المی کننگ کن احساس مزور پروگرام اس بناکننگ ءِ، ہراڑان مزور زالبول آتا بھاز زیات معاشی ویل آک ایسر مریرہ۔ داخیال آتا درشانی ءِ او پاکستان تحریک انصاف نا مرکزی راہشون سلاہکار اطلاعات حکومت پاکستان ڈاکٹر فردوس عاشق اعوان موضع کوبے چک اٹی زالبول آتا عظیم الشان مچی اسے ٹی تران کرسا کرے و پارے کہ پاکستان تحریک انصاف نا حکومت وزیراعظم عمران خان نا سرکڑدہ ہی ٹی زالبول آتا سوشل سیکورٹی ایمپلائز اولڈ ایج بینیفٹ اسہ مزور اسے نا حیثیت اٹ دوئی مروک آ حق و بے سود وام و بھاز گڑا عملی وڑاٹ فراوان کننگ والا ءِ اومستی پارے کہ زالبول آک زند انا غٹ بشخ آتے ٹی بھاز زیات اہمیت نا حامل ءُ و زموار کڑد اسے نا مالک ءُ و اگہ زالبول آتا کڑد آن نمن مننگے تو ولے ہچ اس بچپک بلکن اسلام ءِ بچفنگ نا خاطر کربلا غان پد زالبول آتا کڑد بناکیک و اینو نن تون ہرا دین اسلام ءِ دا کربلا نا پاک نیاڑی تا طفیل ءِ داوخت آ سلاہکار اطلاعات مستی پارے کہ نیاڑی صنف نازک ءِ ولے اخس بھاریم دا ہرفک و اخس قربانی دا ایتک اوفتے بیان کننگ ہچ کس نا بس اٹی اف و پارے کہ پاکستان تحریک انصاف زالبول آتے ہمو غٹ حق آتے فراوان کیک ہرا فتے اوفتے اللہ و اونا رسول صلی اللہ علیہ و آلہ وسلم تسنے۔
