اسلام آباد۔ 01مئی (اے پی پی) وزیراعظم نا خصوصی کمکار ذوالفقار بخاری پارینے کہ خواری کش آتے سوشل ویلفیئر نیٹ اٹ اتنگ خوانہ، پیشن نا ملک آتے ٹی ہم ہرا پاکستانی خواری کش آک کاریم کننگ ءُ اوفتے ہم سوشل سیکورٹی و ویلفیئر پروگرام اٹ اوارکروئی ءِ۔ یکم مئی آ لیبر ڈے آ کلہو اٹی اوپارے کہ پاکستان نا تہہ ٹی و پاکستان آن پیشن کاریم کروک آ خواری کش آتے خراج تحسین پیش کیوہ، یکم مئی اسہ ہندن ءُ دے اسے ہراٹی ننے مزور آتا حق اکن جنگ کننگ نا عزم کروئی ءِ۔ اوپارے کہ مزور آتے کن احساس پروگرام تون اوار چندی پروگرام تیا کاریم کننگ اُن، روایتی و غیر روایتی مزور آتے سوشل ویلفیئر اٹ اتنگ خوانہ، پیشن نا ملک آتے ٹی ہم ہراپاکستانی مزور آک کاریم کننگ ءُ اوفتے ہم سوشل سیکورٹی و ویلفیئر پروگرام اٹ اوار کروئی ءِ۔ اوپارے کہ اولیکو وار حکومت اس تینا خواری کش آتے کن داخس سوچ و کننگ ءِ ہراوڑاٹ خواری کش آک پاکستان کن کاریم کننگ ءُ ننے اوفتیا گمر ءِ۔
