قطبی وزیرستان نا سیمی علاقہ الواڑہ ٹی سیم انا ایپار آن دہشت گرد آتا جلہو اٹی 3ورند شہید وخت اس کہ 7ٹھپی، پاک فوج انا ورندی کارروائی آن چندی دہشت گرد آک تپاخت و ٹھپی، آئی ایس پی آر

راولپنڈی۔ 01مئی (اے پی پی) قطبی وزیرستان نا سیمی علاقہ الواڑہ ٹی سیم انا ایپار آن دہشت گرد آتا جلہو اٹی 3ورنا شہید وخت اس کہ 7ٹھپی مسر، پاک فوج انا ورناجلہو ءِ پسپا کریر۔ پاک فوج انا ورناک سیم آ باڑ خلنگ اٹ اختہ ئسر۔ پاک فوج انا محکمہ تعلقات عامہ (آئی ایس پی آر) نا کنڈآن جاری بیان نار داٹ اوغانستان آن 60 آن 70 دہشت گردآک قطبی وزیرستان نا سیمی علاقہ الواڑہ ٹی سیم آ باڑ خلوک آ پاک فوج انا ورناتیا جلہو کریر ہرادے پاک فوج انا ورناک پسپا کریر۔ داوخت آ پاک فوج انا ورندی کارروائی آن چندی دہشت گردآک تپاخت و ٹھپی مسر۔ پاک فوج انا مسہ ورنا شہید و 7 ٹھپی مسر۔ شہید مروک آتے ٹی لانس نائیک علی، لانس نائیک نذیر و سپاہی امداد للہ اوار و۔ پاک فوج انا ترجمان پارینے کہ پاکستان غٹ اڑاند آتیان پد ہم باڑ خلنگ نا عمل ءِ برجاتخک۔ اوغانستان نا گل زمین پاکستان نا برخلاف کاریم اٹ بایدے بف۔اوغان سیکورٹی فورس آک و کمامدارآتے سیم آ کنٹرول ءِ گچین کننگ نا گرج ءِ۔