پاکستان تحریک انصاف نا حکومت خواری کش آتا جہد اٹی معترف ءِ و باور کیک کہ بدلی نا سفر اٹی او کلیدی ءُ کڑد اس ادا کننگ کیرہ
اسلام آباد۔ 01مئی (اے پی پی) وزیر خارجہ شاہ محمود قریشی انٹرنیشنل لیبر ڈے انا مناسبت اٹ چارشنبے نادے آ تینا خصوصی ءُ کلہو اسے ٹی پارینے کہ ایلوفتے کن اُراجوڑ کروک آتے چھت اف۔ یوم مئی نا مناسبت اٹ وزیر خارجہ پارے کہ مسکوہی حکومت آک خواری کش آتے یکسر گوجالار۔ ذوالفقار علی بھٹو نا روٹی، کپڑا و مکان نا نعرہ اوڑتون اوار ہی جہہ جاگہ مس۔ اوپارے کہ پاکستان تحریک انصاف نا حکومت خواری کش آتا جہد نا معترف ءِ و باورکیک کہ بدلی نا سفر اٹی او کلیدی ءُ کڑد اس ادا کننگ کیک۔ اوپارے کہ مچ آ دنیا نا خواری کش آک تینا نان و نفقہ نا جہد اٹی اختہ ءُ و اینو نادے ننے شکاگو نا مزور آتا قربانی تے یات کرفک۔ بنجائی وزیر مستی پارے کہ پی ٹی آئی نا حکومت خواری کش آتا شونداری و زند انا حالیت آتے ٹی گچینی تون اوار کٹیا ٹی ودکی کن پرعزم ءِ۔
