اسلام آباد۔30اپریل (اے پی پی) چیف آف دی نیول سٹاف ایڈمرل ظفر محمود عباسی ءِ نائجیریاءِ چیف آف ڈیفنس سٹاف ء ُ چیف آف دی نیول سٹاف ءَ گوں گندء ُ نندکتگء ُ نائیجر ءِ درائیں بحری یونٹ آنی ترء ُ تاب ہم کتگ۔ پاک بحریہ ءِ جارچین ءِ گشگءِ ردءَ ابوجا ءَ نیول ہیڈکوارٹرز سربوہگءَ نائیجرین نیوی ءِ چیف آف دی نیول سٹاف وائس ایڈمرل ایبوک ایتے اکو ے عباس ءَ پاک بحریہ ءِ سروک ءَ را وش اَتک کتگ۔ اے موہ ءَ نیول چیف ءَ را دودء ُ ربیدگی شرپءَ گوں سلامی پیش کنگ بوتگ۔ گندء ُ نندءَ ایڈمرل ظفر محمود عباسی ءَ دونیمگی حدوکی ء ُ بحری شریداری ءِ کارانی سرءَ حیالء ُ لیکہ ءِ درشانی کتگ۔ چیف آف دی نیول سٹاف ءَ کراچی ءَ بوتگیں امن مشق 2019ءَ نائجیرین نیوی ءِ ڈل ء ُ اسپیشل فورسز ٹیم ءِ ہوار بوہگءَ وائس ایڈمرل ایبوک ایتے اکوے عباس ءِ دلءِ جہلانک ءَ شگرء ُ منت گپتگ۔ چیف آف دی نائجرین نوی ءَ دوئیں بحری فوج آنی نیامءَ بازیں پڑاں دونیمگی شریداری ءِ ارزشتءَ را من اِتگ۔ آئیءَ یکجائی میری ٹائم سکیورٹی ء ُ مشق امن 2019ءِ سوبمندیءَ ہڈ کنگءَ پاک بحریہ ءِ جزم ء ُ کوشستاں ساڑاتگ۔ ایشی ءَ پیش ایڈمرل ظفر محمود عباسی ءَ نائجیریا ءِ چیف آف ڈیفنس سٹاف، جنرل عبایومی گیبرئیل الونی ساکن ءَ گوں گندء ُنندکتگ۔ گندء ُنندءَ دونیمگی دیمپانی شریداری ء ُ کسبی کارانی سرءَ چارء ُ بچار کنگ بوتگ۔ جنرل عبایومی گبرئیل الونی ساکن ءَ خطہ ءَ امنء ُ ایمنی ء ُ مھکمی ءَ را برجم دارگءَ پاکستان ءِ حاسیں گامگیج ءَ را ساڑاتگ۔ اے موہءَ نیول چیف ءَ را دود ء ُ ربیدگی شرپ ءِ سلامی پیش کنگ بوتگ۔ آئیءَ میری ٹائم سروییلنس سسٹم ءِ چارء ُ تپاسی کتگ۔ ایشی ءَ پد ایڈمرل ظفر محمود عباسی ءَ نیول ڈاکیارڈ ءِ ہم ترء ُتاب کتگ۔ ترء ُتاب ءَ نیول چیف ءَ را درائیں کمانڈرآنی آپریشنل چستء ُایرانی سرءَ الکاپی ءَ شونشت دیئگ بوتگ۔ چیف آف دی نیول سٹاف ءِ نائجیریاءِ ترء ُ تاب پہ دوئیں ملک آنی سلاہ بندیں فوج آنی دیمپانی شریداری ءَ گیش کنت۔
