لاہور۔30 اپریل(اے پی پی)گورنر پنجاب چوہدری محمد سرورءَ گوشت کہ ادارگہاں را سیاسی دست مانجنی ءَ چہ پاک کنگ ءِ ابید دیما برگ مہ بیت استیں حکومت ءِ تہ مزن وزیر،گورنر،سر وزیر ءُُ ہچ وزیر،مشیر ادارگہانی تہ سیاسی دست مانجنی ءِ سوچ نہ جت کن ایت۔سرکاری افسرانی زمہ واری جوڈ بوھگ انت کہ آں ترس ءِ سرجم ایمانداری ءَ گوں وتی کار ءَ کن انت،حکومت ءَ زالبول آفیسر ءَ را فیلڈ ءِ تہ ابید پرک ءِ مزن تک ءِ اگدہ ءِ سرا زمہ واری داتگ ات۔آں سئے شمبے ءَ ادا سول سروسز اکیڈمی ءِ پاسنگ آوٹ مراگش ءِ تہ بھرزوری ءِ موہ ءَ 46می کامن ٹریننگ مراگش ءِ افسراں گوں تران کنگ ات۔گورنر پنجاب چوہدری محمدسرورءَ گوشت کہ 46می کامن ٹریننگ پروگرام ءِ تہ 40درسد زالبول ھوار بوھگ وش اھت ءُُ پاکستان ءِ تہ زالبولءِ دیمروئی ءِ پدرائی انت۔آہاں گوشت کہ مزن وزیر عمران خان ءَ ہروھد زالبول ءَ را ہمک تک ءَ تہ سرجمیں نماھندگی دیگ ءِ گپ جتگ۔مروچی بنجاہی ءُُ پنجاب حکومت ایشی ءِ سرا وڈ ءُُ پیم کنگ انت۔ گورنر ءَ پاس بیوکیں افسراں گوں تران کنان ءَ گوشت کہ ہمہ تک ءِ تہ شما وتی فرضاں پیلو کن ایت اودا ایمانداری ءَ گوں کار ءَ کن ایت ءُُ لس مردمانی جیڈھاں حل کن ایت
