اسلام آباد۔ 30 اپریل (اے پی پی) بنجاھی کابینہ ءَ خیبر پختونخوا ءِ نمونگ ءَ را پنجاپ ءَ کنگ، رمضان المبارک ءِ ساھت ءَ کارگسی وھد ءُُ پاس سہب ءِ 10بج ءَ تاں نیم روچ 4بج ءَ کنگ، 1300ارب ءِ گردشی وام آنی آڈٹ، لیگل ایڈ ءِ واستہ جسٹس اتھارٹی بل، زالبول آناں وراثتی ھک دیگ ءِ بل، کوڈ آف سول پروسیجر ءِ تہ ءَ مٹ ءُُ بدلی ءِ بل ءَ ھوار 7بل آنی منظوری داتگ۔ آیوکیں لستیں روچانی تہ ءَ حکومت ایوان ءَ 36بل آرگ ءَ انت۔ مزن وزیر عمران خان ءَ پنت ءُُ شون داتگ کہ رمضان المبارک ءِ ساھت ءَ لوڈ شیڈنگ کنگ مہ بیت ءُُ الس ءِ واستہ ریلیف پیکج ءِ پجاری دل یکیمی کنگ بہ بیت، بنجاھی کابینہ ءَ اوگرا ءِ نیمگ ءَ پٹرولیم ءِ نیاد ءِ تہ ءَ 14کلدار ءِ گیشی یے سمری ایس سی سی ءَ را روان داتگ تانکہ ایشی ءِ سر ءَ گیش چار ءُُ بچار کنگ بہ بیت۔ کابینہ ء َ 100ارب ءِ بچت ءِ رد ءَ حکومت ءِ پنجاپ ءِ کوشست آناں ساڑات۔ مزن وزیر عمران خان (باندا) پنچ شمبے ءِ روچ ءَ مہمند ڈیم ءِ بنگیج ءَ کنت۔ سئے شمبے ءَ مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ مزن وزیر عمران خان ءِ سروکی ءَ بنجاھی ءِ دیوان ءَ پد میڈیا ءَ را بریفنگ دیان ءَ گوشت کہ پاکستان ءِ ارزشتی ایں گامگیج ءُُ رراج ءِ رکھینگ ءِ کار آنی رد ءَ کابینہ ءِ دیوان ءَ چار ءُُ بچار کنگ بوتگ اَنت۔ سئے کلاک ءَ دیوان جاڑی بوتگ ایشی ءِ تہ ءَ 13 ٹک آنی سر ءَ چار ءُُ بچار کنگ بوتگ۔ کابینہ ءَ مزن وزیر ءِ اناگہ ئی تر ءُُ تاب ءِ ساھت ءَ دو نیمگی کمک، کار رپک ءِ تہ ءَ گیشی ءُُ ورنا آنی ھیل کاری، 1800کلو میٹر ریلوے ڈبل ٹریک ایم ون ءَ ھوار گریبی ءِ ھلاسی ءِ واستہ دو نیمگی منوگری آنی رد ءَ مبارک بات دات۔ وزیر ءِ اھوالکاری ءُُ شنگ کاری ءَ اے امیت آناں سہرا کت کہ اے منوگری الس ءِ زندمان آنی تہ ءَ جوانیں رند پد کار اَنت ءُُ الس آناں ریلیف رس ایت۔ آئی ءَ گوشت کہ امضان المبارک ءِ آیگ وشی ات، ایشی ءِ رد ءَ کابینہ ءَ رمضان المبارک ءِ وھد ءُُ پاس انی تہ ءَ 110بج ءَ تاں بیگاہ ءِ چار بج ءَ کنگ ءِ منظوری داتگ۔ ایشی ءِ سر ءَ سرجمیں تران بوتگ، کمیٹی آنی نیمگ ءَ جتا جتائیں محکمہ آنی وھد ءُُ پاس آنی بابت ءَ کابینہ ءَ گوں تپاک ءَ پد اے وھد ءُُ پاس گیشینتگ اَنت۔ گورننس، فیڈریشن ءَ را مھکم کنگ، آپ ءِ جیڈھ ءِ گیواری، کشت ءُُ کشار ءُُ زرّی نمبگ ءَ را گہتر کنگ ءِ گامگیج کنگ بوھگ ءَ انت۔ احساس پروگرام ءِ لانچنگ، کلین گرین پاکستان پروگرام ءُُ ایندگر شوبگ آنی تہ ءَ حکومت گہتری آرگ لوٹ ایت۔ آئی ءَ گوشت کہ کے پی کے نمونگ ءِ بلدیاتی نظام پنجاپ ءَ آرگ ءِ منصوبگ ءِ است، کانودی گہتری ءِ پنچ بل است ایشانی تہ ءَ لیگل ایڈ، جسٹس اتھارٹی ءِ برجائی کنگ بیت ایشی ءَ چہ سائلین ءَ را ھک ءِ پجاری ءِ تہ ءَ مھتلی ءِ جیڈھ گیوار کنگ بیت ءُُ ایشاناں پاسبانی رسیت۔ آئی ءَ گوشت کہ زالبول آناں میراس ءَ رستگیں ھک مہر مئے چاگردی نظام ءَ درستاں چہ مستریں جیڈھ انت، 52درسد زالبول آنی ھک آنی رکھینگ ءِ ھاترا حکومت وومن ھک بل آرگ ءَ انت، ایشانی سر ءَ تحصیل ءِ پڑ ءَ کار کنگ بوھگ ءَ انت۔ اے رد ءَ حکومتی محکمہ سرجمیں کمک ءُُ سروکی کنت انت۔ آئی ءَ گوشت کہ کوڈ آف سول پروسیجر ءَ مٹ ءُُ بدلی آرگ ءَ آں۔ ایشی ءَ چہ الس ءَ را زوت ءُُ الکاپی ءَ انصاف ءِ پجاری دل یکیمی کنگ بیت۔
