اسلام آباد۔30اپریل (اے پی پی) راجی اسمبلی ءِ اسپیکر اسد قیصر ءَ گشتگ کہ مزن گس ملک آنی نیامءَ کمک ءَ را گیش کنگءَ بنکی کرد پیلو کُت کنت، آنوگیں وہدءَ کہ درائیں ملک آنی پالیسی اقتصادی ایجنڈا ءِ ردءَ کنگ بوہگءَ اَنت گڑا مزن گسی سفارتکاری جمہوری ملک آنی نیامءَ یک بندے ءِ کردءَ پیلو کُت کنت۔ اے حیالانی درشانی آئیءَ سے شمبے ءِ روچءَ ” پاکستان قزاخستان سیادی ء ُ مزن گسی سفارتکاری ءِ کرد“ ءِ سرحال ءَ چہ بوتگیں مراگش ءَ گوں تران کنانءَ کتگ۔ راجی اسمبلی ءِ اسپیکر ءَ گشتگ کہ پاکستان قزاخستان ءَ گوں وتی سیادی ءَ را باز ارزشت دنت ء ُ درائیں پڑآن کمک ءَ را گیش کنگءِ کوشستءَ کنگءَ اِنت، قزاخستان ءِ کرد پہ دمگی امنء ُ ایمنی ءَ باز ارزشت داریت۔ اسد قیصر ءَ گشتگ کہ دوئیں ملک آنی نیامءَ کمک ءَ را گیش کنگءَ مزن گسی سفارتکاری ہاسیں کرد پیلو کت کنت۔پاکستانءَ پہ بیپاری براتیءَ ویزہ پالیسی نرم کنگ بوتگ اَنتء ُ اُمیت اِنت کہ قزاخستان ءِ زرکارایشی ءَ چہ پائدگ چست کناں۔
