اسلام آباد۔ 04مئی (اے پی پی) وزیر داخلہ چوہدری نثارعلی خان پارینے کہ اپوزیشن نا ٹی او آرز نا نشانہ کرپشن اف وزیراعظم ئِ ، اپوزیشن راستکی ئِ مون آ اتنگ اٹی اڑاند شاغپ۔ سپریم کورٹ انت کہ فیصلہ اس کیک حکومت است اٹ اودے امنا کیک۔ اپوزیشن ہم سپریم کورٹ نا شرف ئِ کے۔ پانا ما لیکس نا معاملہ غا سپریم کورٹ آن گچین و بڑزکو پین ہچ ئُ ادارہ اس اف۔ حکومت پاناما لیکس انا جاست و پاست آ پیش رفت کن بھاز گڑاکرے و اپوزیشن نا ہر خواست ئِ امنا کرے ولے نن ہراہم خواست ئِ امنا کینہ او اوڑآن نریرہ۔ اپوزیشن سنجیدہ ئُ انکوائری اس خواپک۔ دوبہ غاتے سیاسی مسخت کن کاریم اٹ اتنگ خواہک۔ دا معاملہ ئِ سیاست نا نذر کننگ انگ ئِ۔
