حکومت کاروبار اٹی آسانی ودی کرسا زرکار آتے سازگار چاگڑد اس تننگ کن پرعزم ءِ، صدر مملکت ڈاکٹر عارف علوی

اسلام آباد۔ 30اپریل (اے پی پی) صدر مملکت ڈاکٹر عارف علوی پارینے کہ حکومت کاروبار اٹی آسانی ودی کرسا زرکارآتے سازگار چاگڑد اس تننگ کن پرعزم ءِ۔ او داہیت ءِ ایل این جی مارکیٹ ڈویلپمنٹ، میسرز ایگزون موبل نا چیئرمین الیکس وولکوف نا سرکڑدہ ہی ٹی ڈل اتون گپ و تران کرسا پارے ہرافک سے شنبے نا دے آ ایوان صدر اٹی اوڑتون اوڑدہی کریر۔ صدر ایل این جی بشخ اٹی پاکستانی مارکیٹ اٹی دُوارہ داخل مننگ آ ایگزون موبل نا کوشست آتا ستاءِ کرے و پاکستان نا اپ سٹریم پیٹرولیم بشخ اٹی پین زرکاری کننگ کن ایگزون موبل نا است بڈی ءِ کرے۔ او ایگزون موبل و ایلو درملکی زرکار آتیا زور شاغا کہ او حکومت نا آزادانہ زرکاری پالیسی تیان فائدہ ہرفر۔ صدر اسیجا ڈٹ آتے ٹی ہندی کمپنی تتون درملکی زرکار آتا اواری اٹ کاریم کننگ نا گرج ءِ تالان کرے۔ صدر ءِ ایگزون موبل ڈل انا کنڈآن پاکستان اٹی ساڑی و آخبت نا ڈٹ آتا بارواٹ معلومدار کننگا۔