اسلام آباد۔ 30اپریل (اے پی پی) بنجائی وزیر پٹرولیم عمر ایوب پارینے کہ حکومت جہانی زرکاری ءِ ہروڑنا کمک فراوان کیک۔ داہیت ءِ او سے شنبے نادے آ ایگزون موبل نا اسہ ڈل اسے تون اوڑدہی ٹی پارے۔ ایلکس والکوف چیئرمین ایل این جی ڈویلپمنٹ ایگزون موبل ڈل انا کماشی ءِ کریکہ۔ داکان بیدس ارتضی سید پریذیڈنٹ ایگزون موبل بنجائی وزیر پٹرولیم عمر ایوب و خصوصی کمکار ندیم بابر ءِ آف شور ڈرلنگ نا بابت حوال ترسا پارے کہ ای این آئی نا کماشی ٹی ایگزون موبل جنوری ٹی کاریم نا بناءِ کرے۔ ندیم بابر پارے کہ سمندر اٹی کیکڑا ون آن توانائی وسیلہ غاتا روشنا گمان آک ءُ۔ خصوصی کمکار نا مستی پاننگ ئس کہ پاکستان اٹی آزادانہ و رکھوک زرکاری نا پورو کمک ءِ کینہ۔ داکان بیدس عمر ایوب پارے کہ ایکسپلوریشن آن پد داجاگہ غا روزگار نا بھاز جوان ءُ وارخواہی دوبریک۔ ارتضیٰ سید مستی پارے کہ ایگزون موبل، آف شور ایکسپلوریشن بلاکس و ایل این جی ٹی ہم است خواہی تخک۔ ایگزون موبل آف شور ڈریلنگ کن چاگڑد دوست پالیسی اس جوڑ کننگ نا ہم ترغیب تس ہرانا خصوصی کمکار ستاءِ کرے۔ دا وینچر اٹی ایگزون موبل، ای این آئی آن بیدس او جی ڈی سی ایل و پی پی ایل ئسک ہم اوارو۔ ہراکہ خاموش شریدار ءُ۔ ایگزون موبل 5660 میٹر گہرانی نا ہدف کرینو۔ 13جنوری 2019 آن دا جوائنٹ وینچر کیکرا ون اٹی ڈرلنگ نا بناءِ کرے۔ کم و ود 4810 میٹر اسکان کھدائی پورو مسنے۔ ڈریلنگ ہمومرحلہ ٹی پترینگانے ہراڑے تیل/گیس انا ساڑی گری نا گمان آتا تعین مریک۔ پاکستان اٹی ایگزون موبل نا زرکاری آن ایکسپلوریشن و پروڈکشن سیکٹر ءِ جوان ءُ سگنل اس ملک۔ پٹرولیم ڈویژن پاکستان آف شور (ایکسپلوریشن و پروڈکشن) رولز 2019 و ماڈل پروڈکشن شیئرنگ ایگریمنٹ 2019 آ ہم ڈرافٹ تیار کننگ ءِ۔ ہرادے کیبنٹ پک کیک۔ آئل و گیس سیکٹر اٹی جہانی زرکاری ءِ مون آ دننگ کن پیشن نا ملک آن خواہفوک آ ازباب آتیا خلوک آ خراج و ڈیوٹی تیا رعایت ہم تسنے۔
