اسلام آباد۔ 25 جنوری (اے پی پی) صدر مملکت ممنون حسین ئَ گوشت کہ اَستیں حکومت آزاتیں اھوالکاری ئِ کدر ئَ کنت ئُُ لوٹیت کہ ھالتاک اُلس ئَ را راست ئُُ تچکیں اھوال آں سر بہ کنت۔ ملک ئَ اھوالکاری در آنی بالاد ئُُ اِزم آرا جانتر کنگ ئِ ھاترا پریس کونسل ئِ کرد سک باز ارزشتی اِنت۔ آئیئِ زمہ واری اِنت کہ آ راجی مول ئُُ مراد آنی سرجم کنگ ئُُ لس مردم آناں سرپد ئُُ سئیگ کنگ ئِ ھاترا وتی کرد ئَ پیلو بکنت۔ اے گپ آئی ئَ ڈاکٹر صلاح الدین مینگل ئِ پاگواجئی ئَ پریس کونسل آف پاکستان ئِ گل ئَ گوں تران کنان ئَ گوشگ ئَ اَت، ایشاں ایوان ئِ صدر ئَ آئیئَ گوں گند ئُُ نند کُت۔ صدر ئِ مملکت ئَ گوشت کہ پریس ئَ را چاگرد ئِ زانت ئُُ سرپدی ئُُ لٹ ئُُ پل ئِ ھلاپ ئَ وتی جہد ئُُ کوشست کنگی اِنت۔ آئی ئَ گیش گوشت کہ کرپشن ئُُ لُٹ ئُُ پل ایوک ئَ مالی نہ بیت بلکینگ ئَ وش روئی ھم بنت، اگاں مردم وتی زمہ واری آں جوانیں رنگے ئَ پیلو مکن اَنت گڈا دست مان جنئی ئِ نکان ئَ ھوار بنت ئُُ ھمک کارگس ئُُ دپتر وتی کارگسئُُ دپتر ئِ زمہ وار اِنت۔
