راولپنڈی۔ 29اپریل (اے پی پی) پاک فوجءِ جارچین آئی ایس پی آرءِ ڈی جی میجر جنرل آصف غفور ءَ حال درءَ گوں گپء ُتران کتگء ُ پختون اُلس ءِ نامءَ پشتوءَ کلوہ داتگء ُ گشتگ کہ پختون برات، گہار، مات، پیر ء ُ ورناہ آں سلام پیش کناں، من پاک فوجءِ نمائندگ ءِ ار زشت ءَ شمارا اے کلوہ ءَ دیئگ لوٹاں، پاک فوج شمیگ اِنت، انچو کہ پاکستان مے د رسانی اِنت۔ آئیءَ گشتگ کہ اگاں پاکستان وشحالء ُ آبات بیت گڑا پختون وشھال بنت، حدا مکن کہ پاکستان ءَ را تاوان بہ بیت گڑا ما درساں تاوان بیت۔ میجر جنرل آصف غفور ءَ گشتگ لھتیں مردم شمارا پاکستانءِ حلاپءَ کنگ لوٹاں،من اے گشاں کہ پاکستانءَ را شمے قربانی ءَ من ایت، ریاست شپء ُ روچ کار کنگءَ اِنت کہ شمے جیڑہء ُ جنجال گیش ء ُ گیوار بہ بنت۔ پاک فوج ءِ جارچین ءَ وتی کلوہ ءَ گشتگ کہ پاک فوج تاں ہما وہدءَ تاہیر ءِ سرءَ نہ نندیت وہدے کہ شمے جیڑہء ُجنجال ہلاس مہ بنت، ما اُمیت کناں کہ پختون کسی بدیں گپاں نہ زوراں، ما پختوناں گوں اے اُمیت ءَ کناں کہ شما ملکءِ دُژمناں دار اِت، اُمیت اِنت کہ پختون پاکستان ءَ را محکم کنگءَ وتی کردءَ پیلو کناں۔
