کیڈٹ کالجز ءِ تعلیم ءِ تک ءَ گہتریں کرد انت،گورنر شاہ فرمان

پشاور۔29اپریل (اے پی پی)گورنرخیبرپختونخوا شاہ فرمان ءَ گوشت کہ کیڈٹ کالجز ءِ تک ءِ تہ یک گہتریں کرد انت ہمہ کہ صوبگ ءِ ورناہیں پدریچ ءِ راستیں وڈ ءَ کردارساچی کنگ انت۔اے ھیالانی درشان آہاں دوشمبے ءِ روچ ءَ گورنر ہاوس پشاور ءِ تہ کیڈٹ کالج رزمک،شمالی وزیرستان ءِ 38می بورڈ آف گورنرز ءِ دیوان ءِ سروکی کنان ءَ کتگ ات۔دیوان ءِ تہ پرنسپل سیکرٹری برائے گورنر نظام الدین، سیکرٹر ی ابتدائی وثانوی تعلیم ارشد خان، ڈپٹی کمشنر شمالی وزیرستان عبدالناصر ءِ ھوار عسکری ءُُ سول بورڈ باسکاں بھرزوری کتگ۔دیوان ءِ تہ کیڈٹ کالج رزمک ءِ مچ ءِ کارکردگی،انتظامی جیڈھ،بورڈ آف گورنرز ءِ یک رندے پدا جوڈ دیگ،پرنسپل ءِ تعیناتی ءِ طریقہ کار ءُُ مطلوبہ قابلیت ءِ ھوار دگہ معاملہانی سرا سرجمیں چار ءُُ بچار کنگ بوتگ۔اے درگت ءَ دیوان ءَ گوں تران کنان ءَ گورنر خیبر پختونخوا شاہ فرمان ءِ گوشگ ات کہ نوکیں وھد ءِ تہ کیڈٹ کالجزیک گہتریں وانگی ادارگ انت ہمہ کہ نصابی ءُُ غیر نصابی کارانی وسیلگ ءَ یک گہتریں ورناہیں پدریچ تیار کنگ ءِ تہ گٹ انت۔