اسلام آباد۔ 25 جنوری (اے پی پی) مزن وزیر محمد نواز شریف ئَ گوشت کہ پاکستان جاپان ئَ را نزیک ئِ دوست ئُُ برات ئُُ شریکداریں ملک پھم ایت، آپریشن ضرب ئِ عضب“ ئِ نتیجگ ئَ ملک ئِ اندر ئَ ایمنی ئِ جاور ھال آنی تہ ئَ سک باز گھتری اتکگ ئُُ امیت اِنت کہ اے رد ئَ جاپان ئِ سفری ایڈوائزری ئِ لڑ ئِ تہ ئَ پاکستان ئِ ھوار بوھگ ئِ سر ئَ چار ئُُ تپاس گرگ بیت۔ آئی ئَ گوشت کہ پاکستان ئَ جاپان ئِ سفیر تاکاشی کورائی ئِ گوما چار شمبے ئِ روچ ئَ ایوان ئِ مزن وزیر گس ئَ تران کنان اَت۔ مزن وزیر ئَ دو نیمگی یکوئی ئِ سر ئَ زور پر دات ئُُ گوشت کہ پاکستان گوں جاپان ئَ ھاسیں رنگ ئَ تجارت، سرمایہ کاری، بُنیاتی کوکا ئُُ ھاٹیگ شوبگ ئِ تہ ئَ گیش کمک کنگ ئِ واھشت مند اِنت۔ آئیئَ گوشت کہ آزاتیں تجارتی منوگری ئِ سر ئَ گپ ئُُ تران بندات کنگ ئِ ضلورت اِنت، جاپان پاکستان ئَ را کمک ، جاپانی منڈی آنی تہ ئَ آزاتی ئَ سر بوھگ، وتی یک ادارکی ٹیرف گامگیج ئِ چیر دستی ئَ پاکستانی ٹیکسٹائل ئِ واستہ سئے ئَ چہ چار سال آنی چُھوٹ دیگ ئِ سر ئَ چار ئُُ بچار کُت کنت۔
