اسلام آباد۔ 29اپریل (اے پی پی) صدر مملکت ڈاکٹر عارف علوی پارینے کہ بھلو کچ اسے آ شجر کاری موسمیاتی بدلی نا زہم تیان بچنگ کن بے کچ اہم ءِ، دا ڈٹ ءِ کم از کم خڑچ اتون زوت آن زوت پورو کننگے۔ اوداہیت ءِ دوشنبے نادے آ ایوان صدر، پارلیمان و کابینہ بلاک نا دنگ آتے ٹی شجرکاری نا بابت تروک آ حوال اٹی پارے۔ حوال اٹی چیئرمین سینیٹ صادق سنجرانی و اسپیکر قومی اسمبلی اسد قیصر ئسک ہم ساڑی ئسر۔ شجر کاری ٹی پارلیمان نا باسک آک تینا دواٹی کم از کم اسہ نیال اس خلیرہ۔ خلوک آ نیال تیٹی چنار، امل تاس، شفتالو، مالٹاو لوکاٹ نا نیال آک اوارو۔ صدر پارے کہ دا ڈٹ ءِ کم از کم خڑچ اتون زوت آن زوت پورو کننگے۔
