اسلام آباد۔ 29اپریل (اے پی پی) اسپیکر قومی اسمبلی اسد قیصر پارینے کہ راج انا شونداری ٹی ورناچین بنداوی ءُ کڑد اس ادا کیرہ۔ ہنداچناک آخبت نا جوڑ کروک آک ءُ، بے سیبو چناتا کفالت ریاست نازمواری ءِ۔ داخیال آتا درشانی ءِ او کنونشن سینٹر اٹی چوری و بے سیبو چناتا بابت اسہ دود اسے آن تران کرسا کرے۔ اوپارے کہ راج انا شونداری ٹی ورناچین بنداوی ءُ کڑد اس ادا کیرہ، ہنداچناک آخبت نا جوڑ کروک آک ءُ، بے سیبو چناتا کفالت ریاست نا زمواری ءِ، راج اٹی گچینی کن سرکار تون اوار غیر سرکاری ادارہ غاتے ہم مون آ بننگ نا گرج ءِ۔ اوپارے کہ خبیب فاؤنڈیشن نا کڑد و عمل ستاکڑزک، راج اٹی چوری و بے سیبو چناتا کفالت ملکی خذمت و فرض اسے، چناتا رکھ خاص کر سٹریٹ چناتے کن خصوصی ءُ کانود سازی اس کننگ اُن۔ اوپارے کہ شونداری کن مشکل آتون مون تروک مریک، ہمودے مراف ہراتم پاکستان شون ہلوک آ ملک آتا صف اٹ سلک۔ اونا پاننگ ئس کہ خصوصی چناک گچین تعلیم و تربیت نا زیات حقدار ءُ، پوسکن آ پاکستان اٹی خصوصی چناتے خصوصی مراعات تننگ کن پرعزم اُن۔
