بیجنگ۔27اپریل (اے پی پی) مزن وزیر عمران خان ءَ گشتگ کہ دونیمگی نزیکی ءَ را گیش کنگ ء ُ معاشی دیمروئیءِ ھاترءَ نوکیں وسلیگ جوڑ کنگ بنت، جدید دنیاءَ چینءَ محکمیں معاشی، معاشر ے ءِ پلاحء ُ گہبود ء ُ ارباں مردمانی زندمان جوان کتگ اَنت، کہ اے چینی اُلسءِ محنتءِ نتیجگ اِنت، نوں چینءِ صدر شی جن پنگءَ بیلٹ اینڈ روڈ (بی آ ر آئی) پروگرام پیش کتگ کہ …
مزن وزیر عمران خان ءِ بیجنگ ءَ دومی بیلٹ اینڈ روڈ فورم ءِ موہءَ لیڈرز راؤنڈ ٹیبل سولء ُ ترانءِ اولی سیشنءَ گوں تران
گیشتریں ھال
بیجنگ۔27اپریل (اے پی پی) مزن وزیر عمران خان ءَ گشتگ کہ دونیمگی نزیکی ءَ را گیش کنگ ء ُ معاشی دیمروئیءِ ھاترءَ نوکیں وسلیگ جوڑ کنگ بنت، جدید دنیاءَ چینءَ محکمیں معاشی، معاشر ے ءِ پلاحء ُ گہبود ء ُ ارباں مردمانی زندمان جوان کتگ اَنت، کہ اے چینی اُلسءِ محنتءِ نتیجگ اِنت، نوں چینءِ صدر شی جن پنگءَ بیلٹ اینڈ روڈ (بی آ ر آئی) پروگرام پیش کتگ کہ بیپاری جیڑہء ُ جنجالانی ہلاسی، اُلسی نزیکی ءِ گیشی، بازیں معیشت آں ضم کنگء ُ یکجائی وشھالی وژن ءِ سرءَ اِنت، پاکستان چینءِ بنکی شریدار بوہگءِ سرءَ پھر کنت، چین پاکستان اقتصادی راہداری (سی پیک) منصوبہ ءِ ردءَ دگ، ریل، توانائی ء ُ دگہ پڑاں منصوبہ جات ہوار اَنت کہ ایشانی مولء ُ مراد جیڑہء ُجنجالاں ہلاس کنگ اِنت۔ شمبے ءِ روچءَ بیجنگ ءَ دومی بیلٹ اینڈ روڈ فورم (بی آر آئی) ءِ موہءَ لیڈرز راؤنڈ ٹیبل سولء ُ تران ءِ اولی سیشن ءَ گوں تران کنانءَ مزن وزیر عمران خان ءَ گشتگ کہ ما سی پیک ءِ ردءَ مزنیں مزنیں شاہ دگ جوڑ کنگ ءَ اَنت۔مزن وزیر عمران خانءَ گشتگ کہ وہدے مے خطہ ءِ نزیکی ءَ گیشی بیت ء ُ وشھالی کیئت مے بازیں جیڑہ ء ُ جنجالے ہلاس بنت۔ وتی ترانءِ گڑ سرءَ آئیءَ چینءِ صدر شی جن پنگ ء ُ چینی اُلس ءَ را اُلسی جمہوریہ چینءِ 70می بوتین روچءِ مراد باتی داتگء ُ صدر شی جن پنگ ء ُاُلسی جمہوریہ چینءِ نیمگءَ چہ جوانیں مہمان جہلی کنگءَ شگرء ُ منت گپتگ۔
