اسلام آباد۔27اپریل (اے پی پی) مزن وزیر عمران خان ءَ چینی صدر شی جن پنگ ءِ بیلٹ اینڈ روڈ اینشی ایٹوکی ءِ سرءَ پاکستانی جزم ءِ درشانی کتگء ُ اُمیت کتگ کہ اے منصوبہ ءَ چہ دمگی نزیکی، کمک ء ُ وشھالی ءَ گیش بوہگءَ ہوار دگہ جیڑہء ُ جنجال ہم ہلاس بنت۔ مزن وزیر ءَ دومی بیلٹ اینڈ فورم برائے میاں اوستمانی کمک ءِ سرءَ گول میز کانفرنسءِ باسکاں گوں تران کتگء ُ چینءِ بے مٹیں دیمروئی ء ُکم وہدءَ 70کروڑ مردمان نیزگاریءَ چہ درکنگءِ عملءَ را دادء ُ سلام پیش کتگ۔ اے گرد میز کانفرنسءِ سرحال ”نزیکی ءَ گیش کنگء ُ دیمروئی ءِ نوکیں موہ درگیجگ“ بوتگ۔ مزن وزیرءَ سوج داتگ کہ دوئیں ملک آنی نیامءَ سیاسی، بیپاری، کمرشل ء ُ ُاُلسی تک ءَ نزیکی ءَ را گیش مھکم کنگ بہ بیت۔ دوئیں نیمگءَ مزن تک ءِ نزیکی ءِ سرءَ تپاک کنگ بوتگ۔ گوستگیں بازیں سالاں اقوام متحدہ ءِ امنء ُایمنی مشن ءَ پاکستان ءِ ساڑی بوہگءِ سرءَ چمشانک داتگء ُ مزن وزیرعمران خان ءَ گشتگ کہ پاکستان افریقہ ءَ امنء ُ ایمنی ء ُ سلامتی ءِ مشن ءِ ھاترءَ وتی کمک ءَ دنت۔
