بیجنگ۔28اپریل (اے پی پی) پاکستان دنیاءِ باندات اِنت، چین پاکستان اقتصادی راہداری (سی پیک) منصوبہ بنیاتءَ لھتیں دگ ء ُ پاور پراجیکٹ آنی منصوبہ بوتگ بلے نو اے گیش بوہان اِنت تانکہ کمک ءَ را گیش کنگ بہ بیت، کشتء ُ کشاری پاکستان ءِ بنکی بھر اِنت، سائنس ء ُ ٹیکنالوجی ء ِ پڑءَ چین ءَ چہ پائدگ چست کنگ لوٹاں تانکہ ٹیکنالوجی ءِ وانگ ء ُ زانگ گیش بہ بیت، پاکستان دنیا ءِ اے درائیں دیمروئی کتگیں ملک آں ہوار اِنت کہ اِدءَ موسمیاتی مٹی ءِ ہوالگءَ آشوبی گامگیج کنگ بوتگ اَنت۔ یکشمبے ءِ روچءَ بینجگءَ انویسٹمنٹ فورم ء َ گوں مزن وزیر عمران خان ءِ تران کتگء ُ گشتگ کہ اے منی چینءِ دومی ترء ُتاب اِنت، اولی ترء ُ تاب ءَ منء ُ منی ڈلءَ ماراِتگ کہ چین ءَ گوں مے سیادی سک ترندء ُ محکم اَنت۔ مزن وزیر عمران خان ءَ گشتگ کہ پاکستان یک محفوظیں ملک اِت، مے سکیورٹی فورس آں امنء ُ ایمنی ءِ ناگیگیں جاورحال گرء ُدار کتگ اَنت ء ُ نوں ما اوگان امنء ُ ایمنیءَ ہوار اَنت۔ آئیءَ گشتگ کہ پاکستان گوں طالبانء ُ حکومتءَ گوں سولء ُترانءِ کردءَ پیلو کنگءَ اِنت چیا کہ اوگانستان ءَ را ہم امنء ُ ایمنی ءِ پکار انت۔ امنء ُایمنی پہ مے ھاترءَ پائدگ مند اِنت۔ مزن وزیر ءَ گشتگ کہ اوگانستان ءَ مھکمی ء ُ چہ پاک اوگان نزیکی گیش بنت۔ مزن وزیر ءَ گشتگ کہ پاکستانءِ یک نیمگے ءَ چین اِنت کہ دنیاءِ درساں چہ مستریں مارکیٹ اِت، دومی نیمگءَ بھارت اِنت کہ دومی مستریں منڈی اِت۔ آئیءَ گشتگ کہ پاکستان 210ملین مردمانی یک مزنیں مارکیٹ اِت، مے 65درسد آباتی ورناہ آنی اِنت۔ مزن وزیر ءَ گشتگ کہ پاکستان باندات اِنت منی سرءَ باور بہ کن اِت۔ آئیء َ گشتگ کہ ما مدام چینءِ سنگتی ءِ سرءَ پھر کتگ ء ُ مرچی ہم گوں چینء َ جوانیں سیادی اَست۔ مزن وزیر ءَ انویسٹمنٹ فورمء َ ہوار پاکستانی آنی سرءَ زور پرداتگ کہ آ پاکستان ءَ زرکاری بہ کن اَنت چیا کہ پاکستان دنیاءِ باندات اِنت۔
