اسلام آباد۔28اپریل (اے پی پی)مزن وزیر عمران خان ءَ گوں چینی بیپاری گلءِ گندء ُ نندکتگء ُ پاکستانءَ بازیں پڑاں زرکار ی کنگءِ حدوکی پیش داشتگ، پاکستان ء ُ چینی کمپنی آنی نیامءَ 14نوکیں یات گیریانی سرءَ دستخط کتگ۔ مزن وزیر عمران خان ءَ دنیاءِ مزنیں کمپنی ہواوے ءِ چیف ایگزیکٹو ءَ گوں گندء ُنندکتگ، کمپنی ءِ سروکءَ آئیءَ را اوست داتگ کہ آ پاکستان ءَ مزنیں زرکاری کنگءِ منصوبہ کنت۔ مزن وزیر ءَ رینبو ایگریٹیک گروپ، چیلنج اپارل، لی اینڈ فن کارپوریشن ء ُ فوٹون کارز ءِ چیف ایگزیکٹو آفیسر آں گندء ُنند کتگ۔ ا ے موہ ءَ مزن وزیر عمران خانءَ گشتگ کہ من لوٹا ں کہ زرکاری ءِ درائیں جیڑہء ُ جنجالاں ہلاس بہ کن اَنت۔ آئی ءَ زرکاری بورڈ ءِ چیئرمین ءَ راپنتء ُشون کتگ کہ چینی کمپنی آں بنکی درائیں آسراتی پھجارینگ بہ بنت۔ مزن وزیر ءِ بیپاری ء ُ انڈسٹری ءِ صلہ کار عبدالرزاق داؤد ء ُ چیئرمین سرمایہ کاری بورڈ ہارون شریفءَ اے گندء ُ نندآں مزن وزیرءَ را کمک کتگ۔
