تہی کارانی بنجاہی وزیر بریگیڈیئر (ر) اعجاز احمد شاہءِ سنٹرل پولیس کارگس ء ُ پولیس لائنز ءِ ترء ُ تاب ءِ موہ ءَ حال درءَ گوں گپء ُتران

اسلام آباد۔28اپریل (اے پی پی) تہی کارانی بنجاہی وزیر بریگیڈیئر (ر) اعجاز احمد شاہءَ گشتگ کہ ملک ناشرکاری ء ُ معیشت ءَ ہوار دگہ بازیں جیڑہ ء ُ جنجالانی آماچ اِنت، بلے پدا ہم ما ملک ءَ را دیما برگءَ اَنت، آیوکیں روچ گوستءَ چہ گہتر بنت۔ دوشمبے ءِ روچءَ سنٹرل پولیس کارگس ء ُ پولیس لائنز ءِ ترء ُ تاب ءِ موہ ءَ حال درءَ گوں گپء ُتران کنان ءَ گشتگ کہ وزارتءِ زمہ واری ءَ سھمبالگءَ پد درائیں چیردستیں ادارگانی ترء ُ تاب ءَ کناں۔ درساں چی پیش اسلام آباد پولیسءِ کارانی چا رء ُ تپاس کنگءَ اَتکگ اَں۔ آئیءَ گشتگ کہ پولیس ءِ شریء ُ حرابی ءَ چہ درس سرپد اَنت، بلے ایشانی شریں کار مدام اندیم بنت کس اے کارانی نامءَ نہ گپت۔ آئیءَ گشتگ کہ ما جوانیں نیمگے ءَ ر ہادگ اَنت۔ انوگیں معیشتءِ جیڑہ ء ُ جنجالاں چہ درس سرپد اَنت۔ مارا جاورحالانی جوانیءِ ھاترءَ دعا کنگ لوٹ ایت۔ راہشون وہدے نیک بہ بنت ء ُنیک نیتی ءَ گوں کار بہ کن اَنت گڑا اللہ تعالیٰ ہم برکت دنت۔ آفیسر اگاں ورناہ آناں وتی اولادءِ وڑء َ نہ لیک اَنت گڑا جاور مٹ بنت۔