اسلام آباد۔ 26اپریل (اے پی پی) وزیر مملکت ہاﺅسنگ اینڈ ورکس محمد شبیر علی قریشی پارینے کہ پوسکن آ پاکستان ہاﺅسنگ اسکیم نا اولیکو مرحلہ ٹی اسلام آباد و بلوچستان اٹی اپارٹمنٹ آتا جوڑ کننگ کن بناداہیت انا شاہدی ئِ کہ حکومت تینا وعدہ ئِ پورو کننگ کن عملی گام گیج کننگ ئِ، وزیراعظم عمران خان تینا الس تون کروک آ اسہ اسہ وعدہ ئِ پورو کیک۔ داہیت ئِ او ”اے پی پی“ تون گپ و تران کرساپارے۔ اوپارے کہ پوسکن آ پاکستان ہاﺅسنگ اسکیم وزیراعظم عمران خان نا ویژن نا رداٹ سرسہبی اٹ ہمکنار مریک۔ اوپارے کہ دا پوسکن آ پاکستان ہاﺅسنگ اسکیم آ سیاست آن پاناد کننگے بلکن داٹی اپوزیشن تینا فیڈ بیک ئِ ایتے ہرادے حکومت بخیر اٹ پاہک۔ اوپارے کہ داوڑنا اسکیم گدرینگوک آ حکومت اٹ بناکپننگ نا سوب آن دا معاملہ ویل ویچڑ ئُ دروشم اس اختیار کرینے ولے داسہ وزیراعظم عمران خان نا کماشی ٹی پوسکن آ پاکستان ہاﺅسنگ اسکیم دا دیرینہ معاملہ غاتا چٹفنگ اٹ کمکار مریک۔ اسہ سوج اسے نا ورندی ٹی اوپارے کہ اپوزیشن نا شرف ئِ ولے تنقید برائے تنقید ویل آتا ایسری اف، حکومت نا فوکس الس نا معاملہ غاتیا ٹی ئِ۔
